Page 184 - anderson_Макет 1

Şervud Anderson

Tom Corc Villardı çaşdırmışdı. O, Corca Helen Vayt haqqında
danışır, onunla sahildә görüşdüyünü vә sevişdiklәrini deyirdi.
Corc Helen Vaytı axşamüstü atası ilә evlәrinә gedәrkәn gördüyü
üçün Tomun yalan dediyini dәrhal anladı. Corc Villard da Helen
Vayta vurulmuşdu, ona görә dә Tomun bu sözlәrindәn sonra o,
әsәblәrinә hakim ola bilmәdi:
– Bәsdi, kәs sәsini, – dedi, – mәn qoymaram ki, ona şәr
atasan. Başa düşürsәn? Qoymaram, – Corc Tomu ayıltmağa
çalışırmış kimi çiyinlәrindәn tutub silkәlәdi. – Sakit ol, danışma,
bir dә onun adını çәkmә.
Belәcә, onlar düz üç saat bir yerdә oldular. Tomun azca
özünә gәldiyini gördükdә Corc onu ayağa qaldırıb özüylә gәzmәyә
çıxardı. Onlar kәndin içinә tәrәf gәldilәr, meşәnin kәnarındakı
kötüyün üstündә әylәşdilәr. Sakit vә sәssiz gecәdә onları nә isә
yaxınlaşdırmış vә bir-birinә dost elәmişdi. Birazdan yenidәn
söhbәt elәmәyә başladılar.
Tom:
– Keflәnmәk yaxşı şeydi, – dedi, – mәnә çox şey öyrәtdi.
Bir dә içib keflәnmәyәcәm. Bundan sonra bir şeyi elәmәzdәn
qabaq daha çox düşünәcәm, başa düşürsәn dә mәni?
Corc onu başa düşmürdü, amma artıq qәzәbi soyuduğundan
indi titrәyә-titrәyә danışan bu solğun üzlü oğlana qarşı ürәyindә
әvvәllәr heç kәsә duymadığı bir şәfqәt vә dostluq hissi oyanmışdı.
O, Tomu yenidәn ayağa qaldırdı vә sanki bir ana qayğısı ilә ona
kömәk edib, yenidәn bayaqkı otağa apardı. Onlar yenә qaranlıqda
oturdular.
Corc Tomun bayaqkı sözlәri nә üçün dediyini başa düşә
bilmirdi. Birazdan Tom yenә Helen Vayt haqqında danışmağa
başladı. Corc yenә qәzәbini saxlaya bilmәdi vә Tomun üstünә
çığırdı.
– Demirәm, onun haqqında danışma? Sәn onunla bir yerdә
olmamısan. Niyә yalan danışırsan? Niyә yalandan deyirsәn ki,

184