Page 180 - anderson_Макет 1

Şervud Anderson

kimi istifadә etmişdi. Qocaldığı üçün artıq iş qabiliyyәtini itirsә
dә, özü bundan xәbәrsiz idi vә hәlә dә bu binaya gәlib-gedir,
peşәsindәn әl çәkmirdi. O, Tomu çox istәyirdi. Buna görә dә
otaqlardan birini ayda bir dollar kirayә haqqı ilә ona verdi. Hәr
axşamüstü qoca vәkil binanı tәrk edib evinә getdikdәn sonra
Tom rahat-rahat döşәmәnin üstündә, sobanın yanında uzanır vә
saatlarla xәyallara dalırdı. Axşamlar onu ziyarәt etmәyә gәlәndә
nәnәsi vәkilin stulunda әylәşәrәk siqaretini tüstülәdәr, Tom isә
hamı ilә olduğu kimi, nәnәsi ilә dә çox söhbәt etmәzdi.
Bәzәn qadın ciddi bir söhbәtә başlayar, bank işçisinin evindә
baş verәn hansısa hadisәni danışaraq saatlarla gileylәnәrdi. Öz
maaşı hesabına aldığı süpürgә ilә tez-tez vәkilin otağını süpürәrdi.
Hәr tәrәfi tәmizlәdikdәn, otağı sәliqә-sahmana saldıqdan sonra
qәlyanını yandırar vә Tomla birlikdә siqaret çәkәrdi.
– Sәnә bir şey olsa, mәn ölәrәm, Tom, – döşәmәnin üstündә,
stulun dibindә uzanan Toma tez-tez belә deyәrdi.
Vaynzburqdakı hәyat Tom Fosterin xoşuna gәlirdi. O, özü
üçün maraqlı işlәr tapır, mәtbәxdәki soba üçün meşәdәn odun
yığır, evlәrin önündәki otu biçirdi. Mayın axırlarında, iyunun
әvvәllәrindә çiyәlәk yığmaq üçün tez-tez әkin yerlәrinә gedirdi.
Boş vaxtı çox olduğundan avara-avara gәzir vә Vaynzburqun
küçәlәrindә, meşәlәrindә dolaşmaqdan doymurdu. Bank işçisi
Vayt Toma köhnә pencәk vә xәz yaxalığı olan bir palto vermişdi.
Pencәk әyninә çox yekә olduğundan nәnәsi onu kәsib gödәltmiş -
di. Xәz yaxalıqlı palto da cırılmışdı, amma çox isti olduğu üçün
Tom onu sevә-sevә geyinir vә qışda da ona bürünüb yatırdı.
Bütün bunlar Tomun xoşuna gәlirdi. Tom özünü xoşbәxt hiss
edir vә Vaynzburqdakı hәyatdan mәmnunluq duyurdu.
Әn kiçik vә önәmsiz şeylәr dә Tom Fosteri xoşbәxt edә
bilirdi. Bәlkә dә, elә buna görә hamı Tomu sevirdi. Hәr şәnbә
baş tutan qızğın alış-verişә hazırlaşmaq üçün Hörn mağazasında
cümә günü axşamlar qәhvә dәmlәnirdi, onun iyi Meyn küçәsini

180