Page 185 - anderson_Макет 1

Sәrxoşluq

bir yerdә olmusunuz. Bәsdi, danışma, onun adını çәkmә, başa
düşürsәn?
Corcun bu cür qışqırmağı Tomun ürәyini sındırdı. O, Corca
cavab verә bilmәdi, çünki söz gülәşdirmәyә halı qalmamışdı. O
daha söz tapa bilmir, öz hisslәrini anlatmağı bacarmırdı. Ona
görә dә getmәk üçün ayağa qalxdı. Amma Corc onun qolundan
tutub getmәyә qoymadı vә Tom bütün gücünü toparlayıb ona hәr
şeyi başa salmağa çalışdı.
– Yaxşı, – sakitcә sözә başladı, – nә baş verdiyini bilmirәm,
amma mәn bu gecә xoşbәxt idim. Çox xoşbәxt. Başa düşürsәn?
Mәni xoşbәxt elәyәn Helen Vayt, bir dә bu gecә idi. İstәyirdim
nәsә әzab çәkim, hansısa yolla özümә әzab vermәk istәyirdim.
Elә bilirdim, ehtiyac duyduğum yeganә şey budur. Başa düşürsәn?
Çünki әtrafımda hәr kәsin bir dәrdi var idi, hәr kәs nәdәnsә әzab
çәkirdi. Mәn çox fikirlәşdim, çox şeylәr etmәyi düşündüm.
Amma heç birini edә bilmәdim. Çünki etsәydim, başqalarına da
zәrәr vurardım.
Tom Fosterin sәsi daha da yüksәldi vә ömründә ilk dәfә bu
cür hәyәcanla danışaraq sözünün ardını gәtirdi.
– Bu, bilirsәn, nәyә oxşayırdı? Sevişmәyә, sevişmәyә oxşayırdı.
Ona görә elә dedim. Başa düşürsәn? Hә? Bu, mәnә әzab verirdi,
hәr şeyi gözümdә daha da qәribәlәşdirirdi. Ona görә dә belә
etdim. Amma peşman deyilәm, әksinә, sevinirәm. Bu, mәnә çox
şeylәri öyrәtdi. Mәn elә bunu istәyirdim. Başa düşürsәn? Hә?
Mәn öyrәnmәk, hәr şeyi öyrәnmәk istәyirdim, ona görә belә
elәdim.

185