Page 183 - anderson_Макет 1

Sәrxoşluq

darıxdığını hiss etdi vә o an hәm dә hiss etdi ki, ürәyi nәsә başqa
bir şey etmәk, içib sәrxoş olmaq istәyir. Villinin meyxanasına
gedib bir şüşә viski aldı. Sonra şüşәni cibinә qoyub daha rahat
düşünmәsi üçün tәnha bir yerә, kәnddәn uzaq bir guşәyә üz
tutdu.
İçә-içә kәnddәn bir mil şimalda, yolun kәnarındakı yamyaşıl
çәmәnliyә gәlib çatdı. Onun arxasında ağ-qırmızı yaz çiçәklәri
ilә örtülmüş alma bağı var idi, önündә isә ağappaq bir yol
uzanırdı. Şüşәdәn bir qurtum da alıb otların üstünә uzandı.
Vaynzburqdakı sәhәrlәri yadına saldı. Sәhәrlәr yuxudan oyan -
ma ğı nı, Vaytların evi qarşısındakı çınqıllı yola hopan şehi vә
sәhәrin zәif işığında gözәçarpan o yolların şehli parıltısını yadına
saldı. Samanlığın yanındakı otaqda keçirdiyi gecәlәri, o gecәlәrdә
yağan yağışları, dama çırpılan yağış damcılarının aramsız sәsini,
atların doğma qoxusunu, samandan gәlәn ilıq әtri xatırladı. Sonra
bir neçә gün öncә Vaynzburq küçәlәrindә tüğyan edәn qasırğanın
uğultusu yadına düşdü vә yaddaşı onu daha da әvvәllәrә, nәnәsi
ilә birgә Sinsinnatidәn Vaynzburqa gәldiklәri günә, onları gәtirәn
qatarın şaqqıltısına, o qatarda keçirdiklәri gecәyә qaytardı. Yadına
düşdü ki, ilk dәfә qatara mindiyi hәmin gün sürәtlә şütüyüb
gecәnin içindәn keçәn o qatarda oturmaq vә o qatarın sürәtini
hiss etmәk ona necә qәribә gәlmişdi.
Tom çox tez keflәndi. Amma bütün bunları xatırlaya-xatırlaya
yenә içmәyә davam elәdi. Yavaş-yavaş başının döndüyünü hiss
edәndә isә ayağa durub Vaynzburqdan uzaqlaşan yolla addım la -
ma ğa başladı. İәri gölünün üstündәki körpüyә qәdәr gәlib,
körpünün yaxınlığında bir yerdә oturdu. Şüşәnin qapağını çıxarıb
bir qurtum da içmәk istәdi, amma içә bilmәyәcәyini görüb
tәzәdәn şüşәnin ağzını bağladı. Ayağa qalxsa da, başı gicәllәndiyi
üçün yenә körpünün yanındakı daşın üstündә oturdu vә dәrin bir
ah çәkdi.
Saat on birdә Tom kәndә qayıtdı. Onu birinci Corc Villard
gördü vә “İql” qәzetinin nәşr edildiyi binaya apardı. Sonra sәrxoş
oğlanın otağı korlayacağından qorxduğu üçün tәzәdәn küçәyә
çıxardı.

183