Page 178 - anderson_Макет 1

Şervud Anderson

elә Tom kimi adamlar bacarardı. Bank sahibinin yoldaşı xanım
Vayt Tomun nәnәsini qulluqçu kimi işә götürdü, Tom özü isә
onların yeni tikilmiş kәrpic tövlәsindә mehtәr kimi işlәmәyә
başladı.
Vaynzburqda ev qulluqçusu tapmaq çәtin mәsәlә idi. Burada
qulluqçu kimi, әsasәn, gәnc qızlar işlәyirdilәr vә onlar da ailә ilә
birlikdә yemәk masasına әylәşmәk şәrti ilә bu işә razılaşırdılar.
Belә qızlardan zәhlәsi gedәn xanım Vayt bu qoca qadını işә
götürmәk imkanını әlindәn buraxmaq istәmәdi vә samanlığın
yanındakı otağı da tәmizlәyib Tom üçün hazırladı. Sonra isә
әrinә “hәyәtdәki otları biçәr, bir dә atlara qulluq lazım olmayanda
başqa xırda-para işlәri görәr” izahatıyla Tomu da işә götürdü.
Tom Foster yaşına görә balaca idi. Gur vә qapqara saçları
başını daha da iri göstәrirdi. Sәsi çox incә idi. Xaraktercә sakit
vә nәcib olduğu üçün tez bir zamanda Vaynzburqdakı hәyata
alışmış, heç kәsin diqqәtini cәlb etmәdәn buradakı adamlarla
qaynayıb-qarışmışdı.
Tomu tanıyan hәr kәs tәәccüb içindә onun bu mülayim
xasiyyәtinin haradan qaynaqlandığını soruşurdu. Çünki o, әvvәllәr
Sinsinnatidә quldur vә tәrbiyәsiz oğlanların qonşuluğunda yaşamış,
yeniyetmәlik çağlarının böyük bir qismini bu dәlәduzlarla
keçirmişdi. Sinsinnatidә bir müddәt poçtalyon kimi işlәyәrkәn
tez-tez fahişәxanaların yerlәşdiyi küçәlәrdәn keçmәli olmuş vә o
küçәlәrdәki evlәrә mәktub aparmışdı. Fahişәxanalar da kı qadınlar
da Tomu tanıyır vә sevirdilәr. Әtrafdakı dәlәduz oğlanların da
hamısı Tomun xәtrini çox istәyirdi.
O, heç vaxt öz fikirlәrini ifadә etmәyә can atmırdı. Ona görә
dә insanlardan uzaq qalmağı asanlıqla bacarır, hәr kәs hәyat adlı
nemәtlәrlә dolu ağacın budaqlarına çıxmağa çalışdığı vaxt o,
hәmin ağacın kölgәsindә qalmağa üstünlük verirdi. Fahişә xa na -
la rın qabağından keçәrkәn qapı ağzında dayanan qadın vә kişilәrin
hansısa dәhşәtli bir işi görmәyә hazırlaşdıqlarını hiss edir,
küçәlәrdә yumruq savaşına çıxan oğlanlara baxır, bәzәn isә heç
bir reaksiya vermәdәn o oğlanların oğurluq vә sәrxoşluq haq qın -
da söhbәtlәrini dinlәyirdi.

178