Page 173 - anderson_Макет 1

Deyilmәmiş yalan

– Nәdi yenә boş-boş avaralanırsan? Tez ol, evdә yemәyә heç
nә yoxdu, get bir şey al, özü dә tez qayıt gәl.
Rey içәri girib qapının arxasındakı asılqandan paltosunu
götür dü. Paltosunun ciblәri cırılmışdı vә çox geyilmәkdәn yaxa -
lığı işıldayırdı. Arvadı yataq otağından çıxıb, bir әlindә çirkli
әsgi parçası, bir әlindә dә üç gümüş dollarla ona sarı gәldi.
Hәmin an evin harasındasa bir uşaq ağladı vә sobanın yanında
yatmaqda olan it oyanıb әsnәmәyә başladı. Sonra Rey yenә
arvadının danlaqlarını bir-bir dinlәmәyә mәcbur oldu.
– Uşaqlar ağlamasın, neynәsin? Neynәsin yazıqlar? Sәn axı
işini qurtarandan sonra niyә evә gәlmirsәn, niyә veyillәnirsәn
oralarda? Bilirsәn ki, evdә yemәyә bir şey yoxdu.
Rey evdәn çıxdı, hasarı aşıb tarla tәrәfә üz tutdu. Artıq hava
qaralmışdı vә Reyin gözlәri önündәki mәnzәrә, hәqiqәtәn dә,
valehedici idi. Balaca tәpәciklәrin üstünә sanki göydәn nәsә
sehrli rәnglәr çilәnmişdi. Hәtta hasarların dibindәki kol-kos da
bu füsunkar mәnzәrәyә әlavә bir gözәllik qatırdı. Bütün dünya,
bütün kәnd indi Reyә elә doğma, elә әziz görünürdü ki, saatlar
öncә tarlada üzbәüz dayanıb söhbәt etdiyi Heli anladığı kimi, bu
otların da, bu torpağın da, qarşıdakı tәpәciklәrin dә dilini anladığını
hiss edirdi.
Amma o axşam Rey Vaynzburqun gözәlliyinә çox davam
gәtirә bilmәdi. Bu gözәlliyә baxdıqca ürәyindә yaranan әzablı
duyğulara dözә bilmәdi vә qәfildәn kim olduğunu, nәçi olduğunu
unudaraq, hara getdiyini, nә etdiyini düşünmәdәn әynindәki pal-
tosunu yerә atıb tarla boyunca qaçmağa başladı vә qaçdıqca da
içindә vulkan kimi qaynayan sözlәrlә öz hәyatını, bütün dünyanı
vә onun ömrünü zәhәrә çevirәn hәr şeyi qışqıra-qışqıra lәnәtlәmәyә
başladı.
– Heç kim verdiyi sözün üstündә durmur, – önündәki bomboş
düzlәrә sәslәndi. – Mәn Minniyә heç bir vәd vermәmişdim. Hel
dә o qıza heç bir vәd vermәyib. Bilirәm, bilirәm ki, Hel ona heç
nә demәyib. Әgәr özü istәmәsәydi, Hel ona toxunmazdı. O özü
istәdiyi üçün Hellә meşәyә gedib. Helin istәdiyini o da istәyirdi.
Bunun cәzasını niyә tәk Hel çәkmәlidi? Niyә bunun cәzasını

173