Page 174 - anderson_Макет 1

Şervud Anderson

mәn çәkmәliyәm? Niyә kimsә buna görә zülm çәkmәlidi? Niyә?
Yox, mәn istәmirәm ki, Hel dә mәnim kimi bәdbәxt olsun. Ona
hәr şeyi bir-bir deyәcәm. Onu evlәnmәyә qoymayacam. Şәhәrә
getmәmiş Heli tapıb ona hәr şeyi başa salacam.
Bir az da qaçdıqdan sonra sәndәlәyib yerә yıxıldı.
– Heli tapıb mütlәq onunla danışmalıyam, – deyә öz-özünә
fikirlәşdi vә ayağa qalxıb nәfәsi kәsilә-kәsilә yenә qaçmağa
başladı. Yenidәn qaçmağa başlayanda illәr boyu heç vaxt
düşünmәdiyi şeylәri bir-bir xatırladı. İlahi, evlәnmәzdәn әvvәl o,
nә xәyallar qurmuşdu?! Qәrbә köçüb, Portlәnddәki әmisi ilә
birgә yaşamağı necә dә çox istәyirdi! Fermada nә vaxtsa fәhlә
işlәyәcәyi onda Reyin ağlına da gәlmirdi. Rey heç vaxt fermada
fәhlә işlәmәk istәmәzdi. O, qәrb tәrәflәrә köçdükdәn sonra dәnizә
gedәcәyini, dәnizçi olacağını, ya da hardasa Oreqondakı
heyvandarlıq fermalarının birindә iş tapacağını, gecәlәr ağ atına
minib kәndin küçәlәrindә qayğısızcasına, qışqıra-qışqıra, gülә-
gülә, evlәrdәki insanları yuxudan oyadaraq gәzәcәyini necә
böyük ümidlә xәyal edirdi! Sonra o, indiki hәyatını vә uşaqlarını
da xatırladı. Qәfildәn ona elә gәldi ki, uşaqlarının balaca әllәri
onun qolundan möhkәm-möhkәm yapışıb. Sonra hiss etdi ki, o
әllәr bayaqdan bәri haqqında düşündüyü Helin dә qollarından
tutub.
– Yox, onlar hәyatın bәdbәxt tәsadüflәridi, – Rey qışqırdı. –
Onlar mәnim deyil, onlar sәnin deyil. Onlara görә mәn günahkar
deyilәm.
Rey Piersonun qaçdığı bomboş tarla indi yavaş-yavaş qaranlığa
qәrq olurdu. Hıçqıra-hıçqıra hasar tәrәfә gәlib nәfәsini dәrdi.
Siqaret çәkә-çәkә ona yaxınlaşan şıq paltarlı Heli görәndә hiss
etdi ki, bayaqdan bәri demәk istәdiklәrinin heç birini ona deyә
bilmәyәcәk.
Rey özünü itirdi vә sanki az әvvәl keçirdiyi hisslәr Heli
görәn kimi qeyb oldu. Әlini hasara dayayıb gözünü qarşıdan
gәlәn Helә zillәyәndә artıq hәr tәrәf, demәk olar, tamam qaranlıq
idi. Hel Vinterz arxı adladı. Reyә yaxınlaşaraq, әlini cibinә qoyub
tәbәssümlә onun üzünә baxdı. Elә bil ki, tarlada Reydәn mәslәhәt
almaq istәyәn bayaqkı narahat adam deyildi. Sonra Hel güclü әli

174