Page 167 - anderson_Макет 1

“Maymaq”

Elmer fermanın satışından qalan dörd yüz dollara yaxın pulun
içindәn iki ondollarlıq әsginas götürdü. Sonra qutunu әvvәlki
kimi kәpәyin altına qoydu vә mağazanı tәlәsik tәrk edib küçәyә
çıxdı.
Bütün uğursuzluqlarına son qoymaq üçün ağlına gәlәn o
fikir olduqca sadә idi. “Gedәcәm, çıxıb gedәcәm buralardan”, –
Elmer fikirlәşirdi. O bilirdi ki, yük qatarı gecәyarısı Vaynzburqdan
keçib, sәhәrә yaxın Klivlendә çatır. Gizlicә qatara minib Klivlendә
gedә, sәhәr ora çatanda isә camaata qarışıb gözdәn itә bilәrdi.
Hansısa mağazada özünә iş tapar, başqa işçilәrlә dost olar vә
hamı kimi yaşayardı. Başqaları kimi, o da danışa vә gülә bilәrdi.
Daha maymaq vә әcaib adam olmazdı. Özünә dostlar qazanardı.
Hәyat ona da mәnalı vә gözәl görünәrdi.
Hündürboy vә yöndәmsiz Elmer yenә küçәlәri gәzib-dolaşmağa
başladı. Әsәbindәn gülürdü. Bayaq Corc Villardla üz-üzә dayananda
hәm dә ondan bir az qorxmuşdu. İndi isә qәrarı qәti idi. Qәsәbәni
tәrk etmәzdәn әvvәl gәnc jurnalistlә söhbәt edәcәk, ürәyindәn
keçәn sözlәri deyәcәk, Corca meydan oxuyacaq vә bәlkә dә,
tәkcә ona yox, onun vasitәsilә bütün Vaynzburqa meydan
oxuyacaqdı.
Yeni inamın verdiyi güclә “Nyu Villard Hauz” mehmanxanasına
gedib qapını döydü. Otaqdakı balaca çarpayıda bir oğlan yatırdı.
O, maaş almırdı, amma yemәyini mehmanxanada yeyir vә özünü
fәxarәtlә “gecә növbәtçisi” kimi tanıdırdı. Oğlanın qarşısında
Elmer özünü cәsur vә qәtiyyәtli hiss etdi.
– Get oyandır onu, – amiranә sәslә dedi. – De ki, stansiyaya
gәlsin. Onu mütlәq görmәliyәm. Bu gecә qatarla gedirәm. De ki,
tez paltarını geyinib gәlsin, vaxtım yoxdur.
Gecә qatarı Vaynzburqda işini sona çatdırmışdı. Stansiya
işçilәri vaqonları bağlayır, fәnәrlәri yellәyir vә şәrqә doğru gedәn
yollarına davam etmәyә hazırlaşırdılar. Yuxulu gözlәrini ovuşduran
Corc Villard yenә bayaqkı tәzә paltosunu geyinib maraq içindә
stansiyaya gәldi:
– Hә, gәldim. Nә olub? Nә deyәcәksәn mәnә? – dedi.
Elmer fikrini izah etmәyә çalışdı. Dili ilә dodaqlarını yaşladı
vә artıq fit çalaraq getmәyә hazırlaşan qatara baxdı.

167