Page 159 - anderson_Макет 1

“Maymaq”

bir ümidlә nә zamansa satılacaqlarını vә insanlara xidmәt
göstәrәcәklәrini gözlәyirdi.
Piştaxtanın yanında dayanaraq, sәyyar satıcının durmadan
üyüdüb tökdüyü sözlәrә qulaq asan Ebenizer Kauli hündürboy,
sısqa vә pinti görünüşlü adam idi. Arıq boynunda üstünü ağ
tüklәr örtmüş yekә bir şiş görünürdü. Әyninә bir zamanlar toy
paltarı kimi aldığı uzun bir frak geyinmişdi. Ticarәtdәn әvvәl Eb-
enizer fermerliklә mәşğul olmuşdu. İndi әynindә olan frakı
evlәndikdәn sonra bazar günlәri kilsәyә gedәrkәn vә şәnbә günü
günortalar mal almaq üçün şәhәrә gәlәndә geyinәrdi. Ticarәtә
başlamaq üçün fermanı satdığı vaxtlar әynindә hәmişә bu paltar
olurdu. Üstünә yağ lәkәlәri düşәn pencәk illәr sonra qәhvәyi
rәngә çalırdı. Amma köhnәlsә dә, bu frak әynindә olanda Ebenizer
әmәlli-başlı geyim-kecimdә olduğunu düşünür vә özünü yeni bir
iş gününә hazır hiss edirdi.
Ebenizer nә fermer, nә dә tacir kimi hәyatda bir uğur qazana
bilmişdi. Amma birtәhәr başını girlәyirdi. Oğlu vә Meybl adlı bir
qızı ilә mağazanın üst mәrtәbәsindәki otaqlarda qalırdılar.
Dolanmaq üçün çox xәrclәri çıxmırdı. Ebenizerin dәrdi-sәri pulla
bağlı deyildi. Onu narahat edәn o idi ki, qabaq qapıdan hansısa
sәyyar satıcı әlindә satacağı mallarla içәri girәndә ürәyinә qәribә
bir qorxu düşürdü. Bu vaxtlarda piştaxtanın arxasında dayanıb
sadәcә başını yellәyirdi. Hansısa qәrarı qәbul etmәyә çәtinlik
çәkirdi. Keçirdiyi tәrәddüdlәr onu tәngә gәtirirdi. Hәm qorxurdu
ki, malları almağa razılaşmadığı üçün yaxşı bir imkandan mәhrum
olar, hәm dә qorxurdu ki, iradәsizlik göstәrib tәlәsәr vә yararsız
malları alar.
O sәhәr Elmer Kauli mәtbәәnin arxa qapısında dayanan vә
açıq-aşkar mağazadakı söhbәtlәri dinlәyәn Corc Villardı görәndә
hәmişәki kimi yenә әsәbilәşmişdi. Sәyyar satıcı ilә Ebenizer
hәlә dә söhbәt edirdilәr. Satıcı danışır, Ebenizer isә tәrәddüd
içindә onu dinlәyirdi.
– Baxın, görürsünüz dә necә tez bağlanır? – paltarların
yaxalığını bağlamaq üçün yeni növ, balaca, yastı vә metal
düymәlәr gәtirәn sәyyar satıcı dedi. Bir әli ilә köynәyinin
yaxalığını açdı, sonra tәzәdәn bağladı. Qarşısındakını inandırmağa
çalışan yaltaq bir әda ilә sözünә davam etdi:

159