Page 154 - anderson_Макет 1

Şervud Anderson

ucalan tüstülәr, donuzların sәsi, әynindә ucuz, çit paltarlarla
mәtbәxdә qab yuyan qadınlar, evlәrindәn çıxıb Meyn küçәsindәki
mağazalara, meyxanalara gedәn kişilәrin ayaq sәslәri, itlәrin
hürüşmәsi, uşaqların ağlaşması – bütün bunlar qaranlıqda oturan
Corcu bu hәyatdan alıb çox-çox uzaqlara apardı.
Fikirlәrinin ağırlığına dözә bilmәdiyini hiss edib ayağa qalxdı,
dar dalanda hәyәcanla gәzmәyә başladı. Üstünә cuman iti daşla
qovub özündәn uzaqlaşdırdı. Bir kişi qapıya çıxıb itin üstünә
qışqırdı. Corc heç bir tikilinin olmadığı boş vә açıq bir yerә
getdi, başını qaldırıb sәmadakı ulduzlara baxdı. Bu adi gecәnin
onu hәddәn artıq çox duyğulandırdığını, ona yeni bir ruh verdiyini
hiss elәdi vә ürәyindәn keçdi ki, içindәki sözlәri bir-bir bu gecәyә
vә bu sәmaya hayqırsın. O sözlәr, әslindә, heç bir fikir ifadә
etmirdi, amma cәsarәtli vә mәnalı sәslәndiyi üçün Corc onları
demәk istәyirdi. O, çılğın bir әda ilә qollarını yuxarı qaldırıb
qışqırdı:
– Ölüm, gecә, dәniz, qorxu, gözәllik.
Corc boş torpaq sahәsindәn çıxıb yaşayış evlәrinin qarşısın -
dan keçәn sәkidә dayandı. Bir anlıq fikrindәn keçdi ki, kaş bu
balaca küçәdә yaşayanların hamısı onun qardaş-bacıları olaydı
vә qorxmadan onların hamısını çölә çağıra, bir-bir görüşüb
әllәrini sıxa bilәydi.
– Kaş burda bir qadın olaydı, әlindәn tutaydım. İkimiz dә
qaçaydıq, yorulanacan qaçaydıq. Onda bir az rahatlayardım.
Beynindә o qadının xәyalı ilә küçәdәn çıxıb Bell Karpenterin
evinә tәrәf getdi. Ona elә gәlirdi ki, Bell onu başa düşәcәk vә
Bellin yanına getmәklә çoxdan bәri istәdiyinә nail olacaq. Әvvәllәr
bir dәfә onunla görüşәndә Corc Bellin dodaqlarından öpmüş,
amma evә qayıdandan sonra özünә әsәbilәşmişdi. Ona elә gәlmişdi
ki, kimsә hansısa mәqsәdә çatmaqdan ötrü ondan istifadә edir.
Bu hiss onu çox narahat etmişdi. İndi isә Corc fikirlәşirdi ki,
artıq kifayәt qәdәr dәyişdiyi vә yetkin birinә çevrildiyi üçün
daha heç kәs ondan istifadә edә bilmәz.
Corc evә çatanda Bellin başqa bir qonağı da var idi. Ed
Hendbay qapı ağzında dayanıb Belli söhbәt üçün çölә çağırırdı.
O, Bellә bir az gәzib-dolanmaq vә ona evlilik tәklif etmәk

154