Page 151 - anderson_Макет 1

Oyanış

çıxmışdı. Hәmin axşam o, Vesley Moyerdәn bir at vә bir fayton
kirayәyә götürmüş vә Belli gәzdirmişdi. Ed qәrara gәlmişdi ki,
bu qız eynәn onun istәdiyi qızdır vә onu mütlәq әldә etmәlidir.
O, Bellә öz arzularını danışmışdı. Ed evlәnmәyә vә ailәsini
saxlamaq üçün pul qazanmağa hazır idi, amma tәbiәtcә elә sadә
adam idi ki, öz niyyәtini demәkdә çәtinlik çәkirdi. Hәmin görüşdә
ehtirası getdikcә daha da şiddәtlәnәn Ed öz niyyәtini bәdәninin
vasitәsilә demәyә can atmışdı. Belli qolları arasına almış, qız
etiraz etsә dә, onu öz bәdәninә sıxmış vә çırpınmaqdan vaz
keçәnә cәn onu öpmüşdü. Sonra onlar qәsәbәyә qayıtmışdılar.
Qız faytondan düşәrkәn Ed:
– Gәlәn dәfә sәni buraxmayacam. Bu, oyun deyil. Mәnimlә
oyun oynaya bilmәzsәn, – deyә faytonu sürmәk üçün üzünü
çevirmişdi. Sonra yerә düşüb güclü әllәri ilә qızın çiyinlәrindәn
tutmuşdu.
– Gәlәn dәfә әlimdәn qaça bilmәyәcәksәn. Yaxşı olar, özünü
buna hazırlayasan. Mәnim olacaqsan, sәni heç kimә verәsi
deyilәm. Mәnim olanacan da sәndәn әl çәkmәyәcәm.
Göy üzündә tәzә ayın bәrq vurduğu bir yanvar axşamında
Corc Villard – Edin fikrincә, Belli әlә keçirmәkdә onun yeganә
maneәsi Corc idi – yenә hәmişәki gәzintisinә çıxdı. Axşamüstü
o, Ses Riçmond vә qәsәbә qәssabının oğlu Art Vilsonla birgә
Rәnsom Sörbekin bilyard salonuna getmişdi. Ses Riçmond
arxasını divara söykәyib sakitcә dayanmışdı. Corc isә danışırdı.
Bilyard salonu Vaynzburqun gәnc oğlanları ilә dolu idi. Onlar
qadınlardan söhbәt edirdilәr. Gәnc jurnalist dә bu söhbәtlәrә
köklәnmişdi. O deyirdi ki, qızların özlәri gәrәk diqqәtli vә
ehtiyatlı olsunlar, çünki әgәr oğlanla qız görüşürsә, oğlan heç
nәyin mәsuliyyәtini daşımır. Danışarkәn diqqәti cәlb etmәk üçün
әtrafındakılara baxırdı. Beş dәqiqә durmadan danışdı. Sonra Art
Vilson sözә başladı. Art Vilson Kәl Prouzun dükanında dәllәklik
öyrәnirdi. O artıq özünü beysbol, at yarışları, içki vә qadın kimi
mәsәlәlәrdә usta sayırdı. İndi Art Vaynzburqdan olan başqa iki
nәfәrlә şәhәr mәrkәzindәki fahişәxanaya getdiklәri gecәdәn
danışırdı. Danışarkәn ağzının bir küncündә siqaretini saxlayır vә
döşәmәyә tüpürürdü.

151