Page 146 - anderson_Макет 1

Şervud Anderson

stuldan qalxıb çarpayıda onun yanında әylәşmәk, qollarını
yarıqaranlıqda kәdәrli-kәdәrli danışan vә Corcu da qәmlәndirәn
Enokun çiyinlәrinә qoymaq istәyirdi.
– Neçә il o evdә tәnha yaşayandan sonra o qadın mәnim
evimә gәlmәyә başladı, – Enok dedi. – Biz dәhlizdә rastlaşmış,
orda tanış olmuşduq. Mәn bilmirdim ki, o, öz otağında nә işlә
mәşğul olur. Çünki heç vaxt ora getmәmişdim. Amma mәnә elә
gәlirdi ki, o, musiqiçi idi, skripka çalırdı. O, hәr gün mәnim
otağıma gәlirdi. Qapını döyür, sonra içәri girirdi. İçәri girib
mәnim yanımda otururdu. Sadәcә oturub mәnә baxırdı. Heç nә
demirdi. Desә dә, çox önәmli şeylәr danışmırdı.
Qoca Enok çarpayıdan qalxıb otaqda gәzişmәyә başladı.
Әynindәki plaş hәlә dә yaş idi. Arabir yağış damcıları onun
üstündәn döşәmәyә düşürdü. Tәzәdәn çarpayının üstündә әylә -
şәn dә Corc da stuldan qalxıb onun yanında oturdu.
– Mәn ona qarşı qәribә hisslәr duyurdum. Otaqda mәnlә otu-
randa elә bilirdim ki, otaq ikimiz üçün çox balacadı. O gәlәndә
hәr şey, hәr kәs otağımı tәrk edib gedirdi. Biz adi, önәmsiz şeylәr
haqqında danışırdıq. Amma bu söhbәtlәr mәnә kifayәt etmirdi.
Mәn barmaqlarımla ona toxunmaq, onu öpmәk istәyirdim. O,
çox gözәl idi, çox güclü әllәri var idi. Gözlәri dә hәmişә mәnә
baxırdı.
Qoca kişinin titrәyәn sәsi birdәn dayandı, bәdәni soyuqdan
әsmәyә başladı.
– Mәn qorxurdum, – o, pıçıltı ilә dedi, – mәn çox qorxurdum.
Hәrdәn istәyirdim ki, onu otağa girmәyә qoymayım, amma
bacarmırdım. Qapı döyülәndә öz-özümә “yox, yox” deyirdim.
Amma hәr dәfә dә durub qapını açırdım. O, әsl qadın idi. Yetkin,
gözәl. O, hәr gün yanıma gәlәndә gözümdә daha da ucalırdı.
Enok Robinson gözlәrini Corc Villarda zillәdi vә onun uşaq
gözlәrinә bәnzәyәn mavi gözlәri lampa işığında parıldadı.Yenidәn
bәdәni titrәmәyә başladı.
– Hәrdәn ürәyim onu lap çox istәyirdi, hәrdәn dә onu görmәk
belә istәmirdim. Sonra yavaş-yavaş ona evimdәki hәmin adamlar
haqqında danışmağa başladım. Özümә mane olmağa, susmağa,
heç nә demәmәyә çalışsam da, bacarmadım. Qapını açanda necә
tәrәddüd keçirirdimsә, onda da içimdә elә bir tәrәddüd var idi.

146