Page 142 - anderson_Макет 1

Şervud Anderson

yavaş öz ağlına da şübhә etmәyә başladı. O düşünürdü ki, fikrindә
olanları, demәk istәdiklәrini rәsm әsәrindә dә ifadә edә bilmir.
Bütün bunlardan әsәbilәşdiyi vә öz taleyindәn incidiyi üçün daha
hәmin dostlarını evinә dәvәt elәmәdi vә heç kimin gәlmәmәsi
üçün tezliklә günün bütün vaxtlarında qapını açarla bağlamağa
da vәrdiş elәdi. O düşünürdü ki, artıq evinә kifayәt qәdәr adam
gәlib vә onun başqa adamları tanımağa ehtiyacı yoxdur. O, fikrini
ifadә edә bilәcәyi, başqaları ilә bölüşә bilmәdiyini rahatca
bölüşәcәyi yeni adamlar kәşf etdi. Hәr gün öz xәyalında kәşf
etdiyi bu adamları evinә çağırıb onlara ürәyindә olan bütün
sözlәri dedi. Evinin daimi sakinlәri olan xәyali ruhlarla danışmağa
adәt etmiş Enok Robinson bu xәyali ruhları әvvәllәr tanıdığı
adamların xatirәlәrindәn qoparmış, onu başa düşәn, o rәsm
әsәrindәki qadın obrazını belә, anlamağa gücü yetәn yeni insanlar
yaratmışdı.
Mavigözlü, yumşaqtәbiәtli Enokda uşaq xudbinliyi var idi.
Uşaqlar kimi, heç bir dost istәmirdi. Rahatca söhbәt edә, hәtta
tәnqid vә tәhqir edә bilәcәyi xәyali insanlar onun üçün kifayәt
idi. Bu adamlar arasında özünü cәsur vә inamlı hiss edirdi.
Bәzәn onlar da danışır, öz fikirlәrini deyirdilәr. Amma әn sonda
vә hamıdan yaxşı danışan Enok olurdu. O, özünü bәzәn bütün
günü fikrindәki bәdii obrazlar haqqında düşünәn yazıçıya, bәzәnsә
Nyu Yorkda Vaşinqton meydanı ilә üzbәüz yerlәşәn altıdollarlıq
kirayә ölkәnin sahibi, mavigözlü vә balaca hökmdara bәnzәdirdi.
Sonra Enok Robinson evlәndi. O, getdikcә tәnhalığını daha
dәrindәn hiss edir, kimәsә barmaqları ilә toxunacaq qәdәr yaxın
olmaq istәyirdi. Enok artıq xәyalların da tәnha evdә ona yetmәdiyini
başa düşürdü. Şәhvәt hisslәri ona rahatlıq vermir, gecәlәr bәdәnini
qәribә bir hәrarәt bürüdüyü üçün yata bilmirdi. Enok bir vaxtlar
rәsm mәktәbindә onunla eyni parta arxasında oturmuş qız ilә
evlәndi vә Bruklindәki bina evindә yaşamağa başladı. Onların
iki uşağı dünyaya gәldi. Ora köçdükdәn sonra reklam şirkәtindә
özünә iş tapıb, reklam posterlәri üçün illüstrasiyalar çәkmәklә
başını qatdı.
Evlilikdәn sonra onun hәyatında yeni bir mәrhәlә başlandı.
O, özünü tәzә bir oyuna başlamış oyunçu kimi hiss edirdi. Bir
müddәt Enok dünyaya insan gәtirdiyi, ölkәsinә vәtәndaş

142