Page 143 - anderson_Макет 1

Tәnhalıq

qazandırdığı üçün qürur hissi keçirirdi. Daha hadisәlәrdә dәrin
mәna axtarmadan, digәr insanlar kimi adi hәyat hәqiqәtlәri ilә
yaşamağa başladı. Payızda keçirilәn seçkilәrdә o da iştirak etdi
vә qәzet sifariş verәrәk hәr sәhәr evindә qәzet oxumaq vәrdişinә
yiyәlәndi. Axşamlar evinә gәlәrkәn tramvaydan düşdükdәn sonra
hansısa iş adamı ilә birgә addımlayır, tәmkinli-tәmkinli, sakit-
sakit evinә tәrәf gedir vә olduqca önәmli bir adam kimi görünmәyә
çalışırdı. Artıq vergi ödәyicisinә çevrildiyi üçün özünü ölkәnin
önәmli bir vәtәndaşı, hökumәtin bir üzvü kimi hiss edirdi.
– Mәn bu ştatın, bu şәhәrin önәmli adamı olacam, – sevincli
vә qürurlu bir hisslә öz-özünә deyirdi. Bir dәfә Filadelfiyadan
gәlәrkәn qatarda bir adamla tanış oldu. Hәmin adamın verdiyi
siqaretdәn çәkә-çәkә hökumәtin dәmiryollarını özәllәşdirmәsi
vә nәzarәti öz әlinә alması ilә bağlı uzun-uzadı danışdı. Enok
danışdıqca hәyәcanlanırdı. Sonra o, öz sözlәrini böyük hәzlә
xatırlayırdı.
– Dediklәrim o adamın ağlına batdı. İndi mәnim sözlәrim
haqqında düşünәcәk, – pillәkәnlә Bruklindәki evinә qalxarkәn
öz-özünә deyirdi.
Amma әlbәttә ki, Enokun evlilik hәyatı da uğurlu alınmadı.
O özü arvadından ayrılmaq qәrarı verdi. Çünki artıq yaşadığı
binanın divarları arasında sıxılır, bu hәyatın onu boğduğunu hiss
edir vә bir vaxtlar evinә gәlәn dostlarına duyduğu hissi öz
uşaqlarına vә arvadına qarşı da duyurdu. Yalandan işinin olduğunu
deyәrәk gecәlәri tәk-tәnha küçәlәrdә gәzmәklә keçirirdi. Arvadından
xәbәrsiz Vaşinqton meydanı ilә üz-üzә yerlәşәn әvvәlki evi dә
yenidәn kirayәyә götürmüşdü. Hәmin әrәfәdә onun Vaynzburqda
yaşayan anası El Robinson öldü vә Enok yeganә varis kimi
anasından qalan sәkkiz min dollar pula sahiblәndi. Bu pul onun
insanlardan tamamәn uzaqlaşması üçün göydәndüşmә oldu. Enok
hәmin pulu arvadına verәrәk, daha onlarla birgә o evdә yaşaya
bilmәdiyini dedi. Qadın әrinin bu sözlәrindәn sonra ağladı,
әsәbilәşdi, Enoka ağzına gәlәni dedi. Enok isә sadәcә gözünü
zillәyib bir anlıq ona baxdı vә sonra öz yolu ilә çıxıb getdi.
Әslindә, qadın Enokun bu qәrarından çox da pis olmamışdı.
Çünki o, hәmişә Enokun bir az dәli olduğunu düşünmüş, bәzәn

143