Page 149 - anderson_Макет 1

OYANIŞ

Bell Karpenter qarabuğdayı, hündürboy vә fiziki cәhәtdәn
güclü qız idi. Boz rәngә çalan gözlәri vә qalın dodaqları var idi.
Hәrdәn әhvalına qәmli düşüncәlәr hakim kәsilәndә әsәbilәşir vә
arzu elәyirdi ki, kaş o da dünyaya qadın yox, kişi kimi gәlib
kimisә öz yumruqları ilә yaxşıca әzişdirә bilәydi. O, xanım Keyt
Mekhyunun qadın şlyapaları mağazasında işlәyir, bütün günü
mağazanın arxa tәrәfindәki pәncәrәnin yanında dayanıb şlyapaları
bir-bir sәliqәyә salırdı. Bell Vaynzburqun ilk Milli Bankının
mühasibi olan Henri Karpenterin qızı idi vә atasıyla birgә Bakay
küçәsinin qurtaracağından bir xeyli aralıda yerlәşәn köhnә,
qaranlıq bir evdә yaşayırdı. Ev şam ağacları ilә әhatә olunmuşdu.
Ağacların altında ot yox idi. Evin arxa tәrәfindә pas örtmüş
tәnәkә navalçalar bәrkidicidәn çıxdığı üçün külәk әsәndә balaca
çardağın damına çırpılıb sәs çıxarırdılar vә bәzәn bu qәmgin sәs
bütün gecә boyu davam edirdi.
Bell hәlә gәnc ikәn atası Henri Karpenter onun hәyatını
dözülmәz elәmişdi, amma qız böyüyüb yetkinlik yaşına çatdıqca
daha atasının onun üzәrindә heç bir hökmü qalmadı. Mühasibin
hәyatı saysız-hesabsız xırdaçılıqdan, çürükçülükdәn ibarәt idi.
Sәhәrlәr yuxudan durub banka gedәndә dolabın qabağına keçib
lama dәrisindәn olan köhnә paltosunu geyinirdi. Axşam evә
qayıdanda isә lama dәrisindәn olan digәr paltosunu geyinirdi.
Çöldә geyindiyi paltarları hәr axşam ütülәyirdi. Bunun üçün o,
taxta qurğu ixtira etmişdi. Paltarları taxta lövhәlәrin arasına
qoyur vә hәmin taxtaları vintlә möhkәmcә sıxırdı. Sәhәrlәr nәm
әsgi ilә taxtaları silir vә yemәk otağının qapısı arxasında dik
halda divara söykәyirdi. Әgәr kimsә taxtaların yerini dәyişәrdisә,
onun әsәbdәn, az qala, dili tutular vә bir hәftә özünә gәlә
bilmәzdi.
Henri Karpenter xasiyyәtcә höcәt adam idi vә öz qızından
qorxurdu. Henriyә elә gәlirdi ki, qızı onun vaxtilә anasıyla necә
qәddar davrandığını bilir vә buna görә dә ona nifrәt edir. Bir dәfә
günorta vaxtı Bell küçәdәn bir ovuc palçıq gәtirib ütü taxtalarının

149