Page 153 - anderson_Макет 1

Oyanış

Corc Villard küçә fәnәrinin yanındakı hasarın qarşısında
dayandı. Bәdәni әsmәyә başladı. Ağlına heç vaxt belә şeylәr
etmәk gәlmәmişdi vә indi bu hәrәkәtlәrinin sәbәbi özünә dә
maraqlı gәlirdi. Bir anlıq ona elә gәldi ki, bu sözlәri deyәn o
deyil, bu sәslәr ondan kәnarda peyda olur. Sonra düşündüklәri
özünә dә xoş gәldi vә gәzә-gәzә tәzәdәn bu coşqunluğu ilә bağlı
özünә izahat vermәyә başladı.
– Rәnsom Sörbekin bilyard salonundan çıx, sonra da belә
şeylәr düşün. Yaxşısı, elә tәk qalmaqdır. Art Vilson kimi danışsam,
ordakı oğlanlar mәni başa düşәcәkdilәr. Amma indi burda
düşündüklәrimi onlar çәtin anlaya bilsinlәr.
İyirmi il әvvәlin digәr Ohayo qәsәbәlәri kimi, Vaynzburqda
da bir çox sahәlәrdә günәmuzd fәhlәlәr işlәyirdi. Hәlә fabrik
dövrü gәlmәdiyi üçün әkin sahәlәrindәki vә dәmiryollarındakı
işlәri günәmuzd fәhlәlәr görürdü. Onlar günә on iki saat işlәyir
vә bir dollar pul alırdılar. Yaşadıqları balaca evlәr taxtadan tikilir
vә ucuz başa gәlirdi. Evlәrinin arxasında isә çox vaxt bağça
yerlәşirdi. İmkanları nisbәtәn yaxşı olanlar bağçanın arxa
hissәsindәki balaca tövlәlәrdә inәk, yaxud da donuz saxlayırdılar.
Hәmin yanvar gecәsindә aydın vә açıq havada gәzә-gәzә
Corc Villard bu cür evlәrin yerlәşdiyi küçәlәrdәn keçib-gedirdi.
Beynindә bayaqkı sözlәr tәkrar-tәkrar sәslәnirdi. Küçә alaqaranlıq
idi vә bәzi yerlәrdә sәki yox idi. Әtrafdakı mәnzәrәdә Corcun
oyaq xәyallarını daha da qanadlandıran nәsә var idi. O, bir il idi
ki, çoxlu kitab oxuyurdu vә indi orta әsrlәrin qәdim kәnd vә
şәhәrlәrindәki hәyatı tәsvir edәn bir nağıl yadına düşürdü. O
nağılı xatırlaya-xatırlaya Corc sanki әvvәlki hәyatında bir dәfә
burada olduğunu hiss etdi vә indi tәkrarәn gәldiyi bu mәkanın
ona yaşatdığı qәribә duyğuların tәsiri ilә tәәccüb vә heyrәt içindә
sәndәlәdi. Sonra ani bir qәrarla küçәni dönüb inәk vә donuz
saxlanılan tövlәlәrin arxasındakı qaranlıq vә balaca dalana girdi.
O, tövlәdәn gәlәn kәskin qoxunu içinә çәkә-çәkә vә beynindәki
tәzә fikirlәrlә başını qataraq düz bir saat bu dalanda qaldı. Tәmiz
vә xoş havaya qarışmış qatı peyin iyi ürәyindә çoxdan qövr et -
mә yә hazır duyğularını oyatdı. Kerosin lampalarla işıqlanmış
kasıb vә balaca evlәr, bacalardan çıxıb aydın sәmaya doğru

153