Page 152 - anderson_Макет 1

Şervud Anderson

– Ordakı qadınlar nә qәdәr istәsәlәr dә, mәni tovlaya bilmәdilәr,
– deyә lovğalanırdı. – Biri var idi, mәni çәnginә keçirmәk
istәyirdi. Mәn dә onu әlә salmışdım. Tәsәvvür elәyin, danışmağa
başlayan kimi gedib oturdum qucağında. Qızı öpәndә hamı güldü.
Nәsә, axırda başa sala bildim ki, mәndәn uzaq dursun.
Corc Villard bilyard salonunu tәrk edib Meyn küçәsinә çıxdı.
Neçә gün idi ki, havada acı bir qış soyuğu var idi. On sәkkiz mil
şimaldakı İәri gölündәn üzü Vaynzburqa әsәn güclü külәk
dayanmaq bilmirdi. Amma hәmin gecә külәk yatmışdı vә göyün
üzünә çıxan ay gecәni hәddәn artıq gözәllәşdirmişdi. Corc hara
getdiyini, nә edәcәyini düşünmәdәn Meyn küçәsindәn çıxıb taxta
evlәrin arasındakı yarıqaranlıq küçәlәrlә gәzmәyә başladı.
Açıq havada, ulduzlarla örtülmüş qaranlıq sәmanın altında
gәzәrkәn Corc bilyard salonundakı dostlarını yaddan çıxarmışdı.
Bu zülmәt gecәdә tәk olduğunu görüb ucadan danışmağa başladı.
Özünü sәrxoşluğa vurub kefli kişilәr kimi sәndәlәdi. Sonra uzun -
bo ğaz çәkmә geyinmiş, belinә cingildәyәn bir qılınc taxmış әsgәr
roluna girdi. Öz alәmindә cәrgә-cәrgә qarşısına düzülüb diqqәtlә
onu süzәn әsgәrlәrә baxış keçirirdi. Әvvәlcә әsgәrlәrin tәchizatlarını
yoxlamağa başladı. Ağacın önündә dayanıb iradlarını bildirdi:
– Sәnin çantan qaydasında deyil, – ciddi sәslә dedi. – Sәnә
neçә dәfә demәliyәm? Neçә dәfә irad tutmalıyam? Hә? Hәr şey
qaydasında, nizamında olmalıdır. Qarşımızda çәtin bir tapşırıq
var vә nizam-intizam olmadan heç bir tapşırığı yerinә yetirmәk
mümkün deyil.
Gәnc oğlan öz sözlәrindәn tәsirlәnmiş halda sәkinin qırağında
bir anlıq duruxdu vә sonra sözlәrinә davam etdi.
– Bu hәm ordunun, hәm dә ümumilikdә insanlığın qanunudur.
Qayda-qanun xırdalıqlardan başlayır vә sonra hәr şeyi әhatә edir.
Әn önәmsiz görsәnәn şeylәrdә belә, nizam-intizam olmalıdır.
İnsanların iş yerindә, geyimlәrindә, düşüncәlәrindә – hәr yerdә,
hәr mәqamda. Mәn dә bu qanunu bilib, tabe olmalıyam. Mәnim
özüm dә intizamlı olmalıyam. Bu intizamım gecәlәr göydә
sayrışan ulduz kimi sabit vә dәyişmәz olmalıdır. Bu dünyanın
qanunlarına uyaraq öz kiçik tale yollarımda nә isә öyrәnmәyә,
bu hәyatdan nә isә götürmәyә çalışmalıyam.

152