Page 158 - anderson_Макет 1

Şervud Anderson

“MAYMAQ”

Vaynzburqdakı “Kauli vә oğlu” mağazasının arxasına artırma
kimi tikilmiş taxta çardaqda yeşiyin üstündә oturan firmanın
gәnc işçisi Elmer Kauli “Vaynzburq İql” qәzetinin mәtbәәsini
çirkli pәncәrәdәn görә bilirdi. Elmer ayaqqabısına tәzә bağ
salırdı. Bir az әllәşdikdәn sonra bağın rahat keçmәdiyini görüb
ayaqqabısını çıxartdı. Bir әlindә ayaqqabısını tutub corabındakı
yekә dәliyә baxdı. Sonra başını qaldırdı vә mәtbәәnin arxa
qapısında oturub әtrafına dalğın-dalğın göz gәzdirәn Vaynzburqun
yeganә gәnc jur nalisti Corc Villardı gördü.
– Hә, elә bircә bu çatışmırdı, – әlindә ayaqqabılarını tutan
gәnc oğlan uca sәslә dedi vә ayağa qalxıb pәncәrәdәn uzaqlaşdı.
Elmer Kaulinin birdәn-birә üzü qızardı, әllәri әsmәyә başladı.
Mağazada milliyyәtcә yәhudi olan bir sәyyar satıcı piştaxtanın
yanında dayanıb onun atası ilә söhbәt edirdi. Elmer indi Corc
Villardın bu söhbәti eşitdiyini xәyalına gәtirdi vә istәr-istәmәz
daha da әsәbilәşdi. Hәlә dә әlindә tutduğu ayaqqabı ilә çardağın
küncündә dayandı vә corablı ayağını taxta döşәmәyә çırpdı.
“Kauli vә oğlu” mağazası Vaynzburqun Meyn küçәsi ilә üz-
üzә deyildi: mağazanın qarşısı Momi küçәsinә düşürdü. Bir az
aralıda Voytun araba dükanı vә fermerlәrin atları bağlanan çardaq
var idi. Mağazanın yan tәrәfindә Meyn küçәsindәki dükanların
arxasından keçәn dar bir küçә başlanırdı vә bütün günü malları
aparıb-gәtirәn yük arabaları hәmin küçәdә elәdәn-elә, belәdәn-
belә şütüyürdülәr. Mağazanın içini isә tәsvir etmәk çox çәtindir.
Bir dәfә Vill Henderson demişdi ki, bu mağazada hәr şey satılır,
amma hәm dә heç nә satılmır. Momi küçәsinә açılan pәncәrәdә
kömür sifarişlәrinin qәbul edildiyini göstәrmәk üçün alma çәllәyi
boyda kömür parçası qoyulmuşdu. Onun yanında isә taxta
çәrçivәlәrdә qızarmış vә üstünü toz basmış şan balı var idi.
Hәmin bal altı ay idi ki, mağazada qalırdı. Paltar asılqanı,
yeni növ düymәlәr, dam örtüyü üçün boyalar, revmatizm әleyhinә
mәcun şüşәlәri, kofe әvәzinә satılan içkilәr dә o bal kimi sәbirli

158