Page 204 - "Yolüstü söhbət"

Q a d ı n. Deyin, deyin, deyin gəlsin.
K i ş i. Geriyə yol yoxdu, deyin gəlsin.
Q o c a. Tolstoy deyibmiş ki...
Q a d ı n (maraqla). Sizin Tolstoydan da xəbəriniz var?
K i ş i. Niyə olmur?! Bircə elə sən çoxbilmişsən?..
Q a d ı n. Hə, nə deyirmiş Tolstoy?
Q o c a. Deyirmiş, qadınlardan bir söz bilirəm, indi de-
məyəcəyəm onu. Elə vaxt deyəcəm, heç kimin əli mənə
çatmasın. Deyib, tabutun qapağını örtəcəm.
Q a d ı n. Macal tapıb?
Q o c a. Yox.
Q a d ı n. Heyif, maraqlıymış. Bəlkə siz biləsiniz?
K i ş i. Hardan bilsin. Ağzında deyir ki, Tolstoy macal
tapmayıb.
Q a d ı n. Yox, dayım bilir.
Q o c a. Deyəcəkmiş ki, qadınların heç hansı bir zibil
deyil.
Q a d ı n. Vay, vay, vay. Daha dayıma süzmə, dayım
keflənib. Demək mən də...
K i ş i. Dayının nə təqsiri, onu Tolstoy deyəcəkmiş.
Q a d ı n. Təmizə çıxarma, xeyri yoxdu, mən incidim.
Axı birdən-birə bu, hardan yadınıza düşdü? (Qoca nəsə
demək istəyir.) Yox, lazım deyil. Ürəyinizə gəlib deyibsiniz.
(Bir az susandan sonra.) Amma yaxşı deyəcəkmiş.
K i ş i (gülür) Fikir vermə, yəqin onun rast gəldikləri zibil
olub.
Q o c a (tutulub). Ola bilsin.
Q a d ı n. Amma, doğrudan da, kişi olmaq yaxşıdı. Mən
də istiyərdim kişi olam. Bax, belə bir kişi (əlini kişiyə uzadır.)
Gözəl, yaraşıqlı, qüvvətli. Gəzmədiyim qız qoymazdım,
hamısını yalvardardım.

204