Page 121 - Patrik Modiano "Seçilmiş əsərləri"

Qaranlûq dökanlar kö÷ÿsi 121

Siz haqlı idiniz, hәyatda gәlәcәk deyil, keçmiş daha mühümdür.
O ki, qaldı sizin xahişinizә, mәncә, әn ağıllısı “Ərizә әsasında
qohumların axtarışı” xidmәtinә müraciәt etmәkdir. Mәn de Svertә
lәngimәdәn yazdım bu barәdә – o, öz işinin xarakterinә görә
Sizin bәzi suallarınıza cavab verә bilәr. Topladığı bütün materialları
tәxirә salmadan Sizә yollayacaq.
Sizin Hütte.

P.S.
Şәxsiyyәtini hәlәlik tәyin edә bilmәdiyimiz Oleq de Vrede
barәdә sizә yaxşı xәbәrlәr vermәk istәyirәm: әn yaxın zamanda
poçtla onun haqqında bәzi mәlumatlar alacaqsınız. Mәn Nitsadakı
rus koloniyasının bir neçә qoca üzvündәn onun barәsindә bәxtәbәxt
soruşdum – mәnә elә gәlmişdi ki, Vrede familiyasında ruslardan,
ya da ostzeylәrdәn nәsә var, – vә xoşbәxt tәsadüfdәn bu familiya
ilә әlaqәdar müәyyәn xatirәlәri olan madam Kaqanla rastlaşdım.
Düzünü desәm, pis xatirәlәrdir vә yaddaşından mәmnuniyyәtlә
silmәk istәrdi, amma mәnә söz verdi ki, Sizә yazaraq, nә bilirsә
danışacaq”.

28

“Obyekt: KUDREZ, Deniz İvett.
Anadan olub: Parisdә, 21 dekabr 1917-ci ildә, Pol Kudrezlә,
qızlıq soyadı Boqart olan Henriyettadan.
Tәbәәliyi: Fransa.
3 aprel 1939-cu ildә 17-ci dairәnin meriyasında 30 sentyabr
1912-ci ildә Salonikidә (Yunanıstan) anadan olmuş, Yunanıstan
vәtәndaşı Cimmi Pedro Sternlә nigaha girib.
Madmazel Kudrez aşağıdakı ünvanlarda yaşayıb:
Austerlis sahil küçәsi, 9, Paris (13);
Roma küçәsi, 97, Paris (8);