Page 75 - XX yuzilin Norvec hekay?si_Layout 1

Aksel Sandemuse

Düz üç il havalı kimi gəzdi. Dahiyanə qətl planı işləyib ha -
zır l ayırdı. Annelizanı və bəxtəvər fırıldaqçını öldürmək üçün
ona yaxın plan hazırladı. O qədər mükəmməl planlar idi ki,
onları peşəkar qatillərə satıb, xeyli pul qazana, yaxud istəsə,
qətl məsələləri üzrə məsləhətçi işləyib, şad-xürrəm, firavan
yaşaya bilərdi. Amma, təəssüf ki, pulu başından aşırdı. Pulu-
nun çox olması da ona əzab verirdi. Ümumiyyətlə, hər şey onu
qıcıqlandırır, əziyyət verirdi. Yoxsul olsaydı, öz-özünə deyərdi:
“Hə də, Anneliza varlı kələkbaza qoşulub qaçıb, çünki mən
kasıbam”.
Amma axı o, kasıb deyildi. Heç nədən korluq çəkmirdi,
qazancı da öz yerində. Elədir, hara çəksən də, Konradseni yox-
sul adlandırmaq olmazdı. Deməli, adi bir faktı etiraf etmək
qalırdı: Anneliza onu tərk edib, çünki o fırıldaqçı bank işçisi
cavandır, yaraşıqlıdır, Konradsen isə saqqallı Şaxta Babaya
oxşayır, vəssalam.
Amma vaxt vardı ki, özünə hörmət qoyan qırxyaşlı kişilərin
burun pərələri və qulaqlarının içi tüklü olardı, saqqalları
qurşaqlarına çatardı, tülkü quyruğunu xatırladan saçlarını
külək oynadardı. İşbaz bank işçisi isə, əlbəttə, üz-gözünü tər-
təmiz qırxırdı, çünki ülgüc ixtira olunanda onun heç bığ yeri
də tərləməmişdi. Məlum olduğu kimi, ülgücü amerikalılar ix- 75
tira etmişdi. Gərək Kolumba imkan verməyəydilər, Amerikanı
kəşf etsin. Onda ülgüc və buna bənzər mənasız şeylər kefimizi
pozmazdı. Şəxsən mən fikirləşirəm ki, Amerikanı kəşf etmək
lazım deyildi, kraliça İzabella Kolumbun səyahətini maliyyə -
ləşdirməklə böyük səhvə yol verib. Əlbəttə, sonrakı peş -
mançılıq fayda verməz. Amma yenə də Yosef Konradsen
tez-tez ürəyində Kolumbu söyüb-yamanlayır, ən çox isə öz
taleyinə lənətlər yağdırırdı. Halbuki ülgücü ixtira etməyi və ya
Minnesotanı (yeri gəlmişkən, 1927-ci ildə orada yalınayaq bir
balerinayla tanış olmuşdum) kəşf etməyi Kolumb heç ağlına
da gətirmirdi.
Kolumbu, ülgücü, balerinanı, tarixi səhvləri bir kənara
qoyub, zavallı Yosef Konradsenin iztirabları haqqında söhbə -