Page 375 - XX yuzilin Norvec hekay?si_Layout 1

Qunnar Lunde

qədər çalışsam da, tapşırıqların öhdəsindən gələ bilmirdim.
İndi, yəni professorun izahı həmin tapşırıqlardan çətin olacaq?
Amma bunu nəzərə almasaq, həyatım boyu qarşıma çıxan
bütün çətinliklərə uğurla sinə gərmişəm. Hellenlə olan
hadisəni xatırlamaq istəmirəm, onda lül-atəş idim...
– Şübhəsiz, biz onu əsas götürürük ki, düşmən silahdan
istifadə etmir. İrəli sürdüyümüz ideya təsdiqini taparsa, belə
də olacaq. İlk növbədə, düşmənin zəif nöqtəsini müəyyən
etməliyik. Sualı başqa cür səsləndirək: psixoloji baxımdan, hər
bir insanın zəif yeri nədir? Əlbəttə, ləyaqəti, heysiyyəti. Yəqin,
psixologiya fənnindən bunları ətraflı öyrənmisiniz. Deməli,
psixoloji vasitələrdən istifadə etməklə düşmənin heysiyyətinə
zərbə endirmək lazımdır. Bunu isə çox sadə yolla həyata
keçirmək mümkündür. Hətta düşündüyünüzdən də sadə!
Konkret nümunənin timsalında izah edim. Cavan da olsanız,
yəqin, indiyə qədər kimi isə “təhqir” etməyə macal tapmısınız.
Bəzən istəmədən, təsadüfən qarşınızdakı şəxsin ləyaqətini
alçaltmısınız. Həmin şəxsin reaksiyasına fikir vermisinizmi?
Təhqir olunmuş insan qızarır, əlləri tərləyir, səsi tutulur və sair.
Əminliklə bildirirəm: belə insan təhlükəli düşmən sayıla
bilməz. Bu vəziyyətə düşmüş adam sizə heç nə edə bilməz.
Əksinə, siz bu şəxsin başına istədiyiniz oyunu aça bilərsiniz. 375
Bildiyiniz kimi, hər bir insanın belə bir arzusu, bəlkə də,
ehtiyacı var: məşhurlaşsın, başqaları onu tanısın, haqqında
danışsınlar. Məhz bu, birbaşa psixi hücumun əsasını təşkil edir.
Düşmən hiss edəndə ki, gücsüzdür, hamı onu lənətləyir, ondan
zəhlələri gedir, onun yalnız bir çıxış yolu qalır. Etiraf! İnamla
deyə bilərəm ki, bu halda seksual ehtiyac, faktiki olaraq, arxa
plana keçir. İnsan yalnız etiraf barədə düşünür. Beləliklə,
təhqirə məruz qalmış düşmən başqalarının gözündə
böyümək, onların rəğbətini qazanmaq üçün hər şeyə hazırdır.
Bu zaman o artıq sizin əlinizdədir. Ürəyiniz nə istəyirsə, tələb
edin, dərhal razılaşıb yerinə yetirəcək. Belədə bir məsələni
dəqiq müəyyən etmək lazımdır: düşmənin yarınmaq, xidmət
göstərmək istəyinə sizin münasibətiniz necə olmalıdır? Rəqibi