Page 361 - XX yuzilin Norvec hekay?si_Layout 1

Byorq Vik

Öyünməyə şey tapdı da. Svenlə onun arasında isə hər şey
qaydasında idi. Belə şeylər Svenin heç ağlına da gəlməz.
Yuxarıdakı qonşunun uşağı yuxudan oyanıb ağlayır. İndi
musiqi səsindən, ayaq tappıltılarından əlavə, bir də inadkar
uşağın ağlamağı eşidilir. Svenin iri, cüssəli bədənini gördü. Bu
bədənin işdən necə yorğun düşdüyünü bilir. Hər ikisinin
bədəninin hər gün nə qədər ağırlığa dözdüyünü də bilir. Amma
hər halda, bu bədənlərdə bir-birinə verə biləcəkləri, azca da
olsa, sevgi qalmalıdı. Qəlbində elə sakitlikdi, elə boşluqdu ki...
Bəs necə olur ki, hələ də nəsə hiss edə, nəyinsə xəyalını qura
bilir, nəyəsə can atır?
– Sənin sağlığına, – masanın üstündəki şamı yandıranda
gülümsəməyə çalışaraq ərinə deyir.
Dördə iyirmi dəqiqə qalmış dəhlizdən keçmək mümkün
deyil. Əyinlərini geyinirlər, isti bədənlərin iyi naxış sexinin
boya, toz, paltar, dəri qoxusuyla qarışır. Onun üçün bütün bun-
lar bir nöqtədə birləşir: emal edilmiş insan bədəninin qoxusu.
“Hər halda, xoş qoxu olmalıdı”, deyə fikirləşir, görəsən, niyə
bu qoxu ona bu qədər pis təsir edir.
Dördə on beş dəqiqə qalmış onları qapıdan bayıra bura -
xırlar. Maşına oturmamışdan qabaq bir-iki şey almağa imkan 361
tapır. Svendən də, elə onun özündən də emal edilmiş bədənin
qoxusu gəlir, özü yaxşı bilir. Onun əllərinə baxır, bu əllər
gündən-günə daha da kobudlaşır.
Pəncərəyə baxarkən qəfildən bir kəşf elədi: alma və
gilənar ağacının yarpaqları tökülmüşdü, onun isə heç bu
ağacların çiçək açmasından belə xəbəri olmamışdı. Baxışları
yol qırağındakı ağacların, kolların, alçaq çəpərlərin üzərində
dayanır, bu bahar gününün, ən azı, bir parçasını içinə çəkmək
istəyir. Bu gün gəzməyə çıxmaq yaxşı olardı, inciçiçəyi topla -
yar dılar, təmiz hava alardılar, çiçəklərin qoxusunu ciyərlərinə
çəkərdilər, meşə gilası yığardılar. Bilir ki, nahar hazırlamalıdı,
qabları yumalıdı, soyuducunun buzunu təmizləməlidi, bir yığın
ütülənməmiş paltarı var, hələ qış geyimlərini yığışdırmayıb.
Anbarı da səliqəyə salmalıdı, aman Allah, nə qədər işi var...