Page 352 - XX yuzilin Norvec hekay?si_Layout 1

XX əsrin Norveç hekayələri

kənara atır, arada bədəninin ağırlığını bir ayağından o birinə
ötürür, arabir də taxta kimi olmuş çiyinlərini rahatlamağa
çalışa raq belini dikəldir.
Nə barədəsə düşünmək lazımdı. Ona elə gəlirdi ki, işdə
sonsuz təkrarçılıqdan beynində də ancaq təkrarçılıqdı, fikirlər
beynindəki millərdə eyni dairə ətrafında hərlənir. O millərin
birində uşaqlar fırlanır (bircə məktəbdə hər şey yolunda gedə,
velosipedlə bir az ehtiyatlı olalar, evi darmadağın eləməyələr,
paltarlarını cırmayalar, onlara tapşırılan işləri yaddan çıxar -
mayalar). Adəti üzrə, sinəsi daraldı, ürəyi sıxıldı: uşaqlarla
daha şəfqətli, daha şən davranmaq, daha çox məşğul olmaq
lazımdı. İkinci milin ətrafında mənzil, müxtəlif ev işləri (nəyisə
düzəltmək lazımdı, nəsə təcili alınmalıdı, hansısa hesablar
hələ ödənməyib) fırlanır. Bu millərin birində bir çox şeylərlə –
hesablarla, avtomobiliylə və təmirləriylə birlikdə Sven fırlanır -
dı. Yenə də ürəyi sıxıldı: zavallı Sven, səkkiz saat bişirmə sexin -
də sobanın qarşısında vaqonetlərlə əlləşir, axşam da onun kimi
cavan yaşında qocalmış, torpaq rəngdə üzü, cansız saçları,
çiyinləri ağrıyan, ayaqlarında ağırlıq olan arvadıyla evə gedir...
və beyninin içindəki mildə boşluq... Bir vaxtlar texniki peşə
məktəbi barədə danışırdı, oxuyub elektrik olmaq istəyirdi.
352 Amma qapıların bu tayına düşdünmü, hesab elə ki, geriyə yol
yoxdu. Hər halda, onun üçün.
Uşaqlar balaca olanda bir neçə il evdə oturmuşdu.
Çətinliklə dolanırdılar. Sven nə iş olsa görürdü, gah rəngsaz,
taxtapuş ustası işləyir, gah da adi fəhləlik eləyirdi. Onun özünü
belə əldən salmasını gördükcə ürəyi parçalanırdı. Onun
qazandığı pulu xərclədiyinə, üstəlik də, heç nəyə çatmamasına
heç cür alışa bilmirdi. Qəlibləmə sexindəki işinə qayıdanda
başlanğıcda çətin oldu, yarımgünlük işə düzəlmək arzusun -
daydı, axşamlar uşaqlarını yataqlarına uzadıb, yorğunluqdan
ölü kimi düşürdü. İndi isə başqa növ yorğunluq hiss edirdi, indi
başıdumanlı gəzirdi. Beynindəki millərsə getdikcə daha ağır
fırlanır və içərisində daha az fikir dolanır.
Yeşikləri bir-birinin yanına sıx-sıx düzdü. Birində qırmızı və
ağ petuniyalar, digərində alabəzək bənövşə və qərənfillər.