Page 351 - XX yuzilin Norvec hekay?si_Layout 1

Byorq Vik

paylayanlar, işçiləri daşıyan ilk avtobuslar – artıq bunların heç
birinə fikir vermir. Küt, laqeyd baxışlarla yolboyu düzülmüş
ağaclara baxır. Açıq rəngli cavan yarpaqlar, bağçalarda lalələr,
ot artıq biçilib. Yüngül səhər tüstüsünün bürüdüyü səma
tezliklə aydınlaşacaq. Kiminçünsə gün yenicə başlayır və
rövnəqlənir, təkcə Svenlə onun üçün yox. Svenin əlləri avto-
mobilin sükanından bərk-bərk yapışıb. Əllər. Bax onlara lazım
olan budu. Pəncərənin şüşəsini endirir, üzünə dəyən səhər
yelini hiss eləyir, dərindən nəfəs alır: Liv Nilsen, sənin otuz iki
yaşın var, hər şey normaldı, yaxşıdı.
Onlar maşını zavodun arxasındakı dar döngədə qoya-
caqlar. Soyunma otağına tərəf ağır-ağır sürünən axın onları
özünə çəkir və ayırır, onların dalınca qapılar bağlanır – əlbəttə,
burada qeyri-adi heç bir şey yoxdu. Sadəcə olaraq, səni vəhşi
heyvan kimi qəfəsə saldıqlarını düşünmək adamın ürəyini
bulandırır. Bu fikir adamı daha da gücsüz, daha da iradəsiz
eləyir. O, iş paltarını geyinir, ayaqqabılarını dəyişir, öz şkafının
qapısını bağlayır. Cingiltili qız gülüşləri, qələbəlik, ötəri deyilən
ifadələr, təbəssüm, baş işarələri – uzun zaman ona elə gəlirdi
ki, sanki onlar hər vasitə ilə bir-birinə dəstək olmağa və təsəlli
verməyə çalışırlar. Hamı nəhəng zalda yerləşən qəlibləmə
sexindəki işinin başına keçir. Ventilyasiya sistemi artıq işə 351
salınıb. Səhər işığı tozlu pəncərələrə pərçim olur. Havanın necə
olmasının bir fərqi varmı, onsuz da, çirkli pəncərələrdən baxıb
kəsdirə bilmirsən. Hər şey həmişəki kimidi: sement döşəmə,
çirkli divarlar, dəzgahlar, stollar, vaqonetlər, quruducu ci -
hazlar...
Maşının mili fırlanır, əllər işləyir, o, öz işini yaxşı bilir. Hər
gün minlərlə desert qabı emal eləsən, əlbəttə, bilərsən. Qar -
şısında dörd mil var, onların uğultusu o biri millərin
uğultusuna, dəzgahların və boşqab buraxan avtomatların
səsinə, ventilyatorların gur fışıltısına qarışır, danışmaq çətindi.
Boşqabları bir-birinin dalınca tənəkə qazıyıcı və süngərlə
sürtür; iş gününün sonuna qədər iki min beş yüz belə qab
düzəltmək lazımdı. Aradabir bəzi boşqabları çıxdaş eləyib