Page 20 - XX yuzilin Norvec hekay?si_Layout 1

XX əsrin Norveç hekayələri

Kişi ayaq saxladı.
– Hər şeyi yaxşı-yaxşı düşünüb-daşınmaq lazımdır. Erlinq
mənimlə qalsa yaxşıdır. Oğlanın on beş yaşı olacaq.
Onun sözləri qadını yandırıb-yaxdı. Erlinq onun böyük
oğlu, ilk övladıdır.
Artıq ikisi də susmuşdu. Neçə ildir birgə yaşadıqları otağa
göz gəzdirirdilər. Otaq onlara yad gəlirdi, bütün gizlinlər üzə
çıxdığı üçün sanki dəyişilmişdi.
Nə qədər ki gizlinlər üzə çıxmamışdı, onları bir-birinə
bağlayan çox şey vardı. O cümlədən gündəlik məişət qay -
ğılarının canlı toxuması.
Artıq bu toxumadan əsər-əlamət qalmamışdı. İndi onlar
bir-birinin sinirlərindən yapışmışdılar. “Gerta skripkanın daşını
atmalı olacaq” – qadının canına vicvicə düşdü. Ərinin əşyaları,
pal-paltarı haqqında fikirləşməyə başladı. Onun paltarlarını
vaxtaşırı yuyub-ütüləmək, səliqəyə salmaq lazım gələcək.
Başqalarının nə vecinə? Başlarından eləyəcəklər… Erlinq
haqqında fikirləşəndə bərkdən çığırmaq istədi.
“Artıq onu gəzməyə aparmaq mümkün olmayacaq, bunun
üçün xeyli pul lazımdır.” Gözləri önündə uşaqların məyus sifəti
canlandı.
20 İkisi də özünü gücsüz, təklənmiş hiss edirdi. Qadın sanki
birdən-birə ayılıb gördü ki, əri tamamilə dəyişilib – kişi olduqca
yorğun görünürdü, elə bil göz önündəcə qocalmışdı. Beli daha
da əyilmiş, baxışları ölgünləşmişdi. Şübhəsiz, bütün bunlar
yekrəng, maraqsız həyatın qoyduğu izlər idi. Amma ona
baxanda başqa şeylər də görürdü – qəribədir, bunu əvvəllər
niyə sezməyib? Sən demə, bütün kişilərin içində həmişə
qayğıya möhtac balaca bir oğlan uşağı yaşayır. Yadına düşdü
ki, vaxtilə əri onun gözəl paltosuna və yaşıl şlyapasına bir ətək
pul verib almışdı…
Otaqda sakitcə var-gəl eləyən kişi çevrilib arvadına ba -
xanda ürəyindən xəfif bir gizilti keçdi – sanki qarşısında
keçmişin canlı kölgəsi əyləşmişdi. Amma bu dəfə qadının
görkəmi onda heç bir qıcıq doğurmadı, əksinə, ürəyində şəf -