Page 18 - XX yuzilin Norvec hekay?si_Layout 1

XX əsrin Norveç hekayələri

tərpənmirdi. Əri yırğalanan kreslo ilə şkaf arasında var-gəl
edirdi.
Deməli, əri ilə ayrı-ayrı evlərdə yaşayacaqlar. Ayrı-ayrı
evlərdə. Bu il də uşaqları diş həkiminə apara bilməyəcək. Er-
linqin dişləri yeddi yerdən deşilib. Arnenin də dişləri pis gün -
dədir. Astrid də dişlərindən şikayətlənir. Üstəlik, Astridə təzə
palto alacağıma söz vermişəm. Demişəm ki, bu barədə atası
ilə danışacağam. Paltosu tamamilə köhnəlib, ona baxanda
ada mın yazığı gəlir. Gertə isə təzə çəkmə almaq lazımdır.
Hər dəfə uşaqların çürümüş dişləri haqqında düşünəndə
ürəyi sıxılırdı. Utandığından, gülməli qısa palto geyən Astridin
üzünə baxa bilmirdi. Başqa mənzildə yaşayan ərini təsəv -
vürünə gətirdi: dazbaş, qarnı irəli çıxmış, gözləri zəif ləmiş əri
deyingən ev sahibəsinin əlindən təngə gəlib… Çoxdan unut -
duğu hisslər isti dalğa kimi bütün vücudunu sardı, yenidən
gözləri yaşardı.
Kişi işdə keçirdiyi yuxusuz gecələri, verdiyi qurbanları
xatırlayırdı. Subay olduğu bəxtəvər günlərin xiffətini çəkirdi.
Hər dəfə evə qayıdanda haldan-hala düşdüyünü, ayaqlarını
sürüyə-sürüyə yeridiyini yada salıb özünü qınayırdı. O da
arvadı kimi illərdir ürəyində yük gəzdirirdi. Kişinin sadəlövh
18 məyusluğu: sən demə, o, haçansa sevdiyi ideal qadınla
yaşamırmış. Bunu onun özünə də bildirdi. O, daşları diqqətlə
seçir, tələsmirdi. Atdığı daşların hamısı hədəfə dəyirdi.
Haçansa ömür yolunda ona arxa-dayaq olacaq qadın,
həyat yoldaşı arzulayırdı, amma…
– Sənin çıxardığın hoqqalara çox dözmüşəm. Gündə bir
fikrə düşürsən, həmişə hər şeydən narazısan. Belə hallarda
mən də başqa kişilər kimi eləyə bilərdim: dostlarla kafeyə
gedib əylənərdim, amma yox – mən həmişə evə gəlir, sənin
könlünü almağa çalışırdım. Sənin əlindən nə çəkdiyimi yalnız
mən bilirəm.
Qadın istər-istəməz başını qaldırdı. “Deməli, sən də
mənim günümdəymişsən!” – demək istədi. Amma heç nə
demədi.