Page 54 - dailan

iya Elena Valş

Deyәsәn, o, mәni heç eşitmәdi dә.
Aeronavtika Katibi Yanğınsöndürәnә tәlimat
vermәyә başladı:
– Cәnab Yanğınsöndürәn, bir az aşağı enin,
mühәrriki söndürün, sağa dönün vә cәnub-qәrbә tәrәf
istiqamәtlәnin.
Yanğınsöndürәn isә heç bir reaksiya vermәdi.
Uşaqlardan bir neçәsi evkalipt ağacına dırmaşıb,
onlara daş atmağa başladı. Bu vicdansızları
dayandırmaq üçün bәzilәrimiz çәrpәlәnglәri yerә
qoymalı olduq. Baba ağaca dırmanıb, onları budaqdan-
budağa qovmağa başladı. Meymun kimi hoppanırdılar.
Әn pisi dә o oldu ki, sәfirlәr öz aralarında
dalaşmağa başladılar. Anam isә durub-durub mәnә
yaxınlaşdı vә qulağıma dedi:
– Qızım, ümid edirәm ki, Yanğınsöndürәn aşağı
düşәndәn sonra sәn onunla evlәnәcәksәn, yox?
– Ana, sәncә, mәn onu aşağı endirmәyә çalışıram
ki, onunla evlәnim? – hiddәtlә cavab verdim.
– Niyә dә yox? O, çox yaxşı vә cәsur adamdır, –
anam tәkidlә dedi.
– Bәsdir, ana! Bu dәqiqә evlәnmәk yox, Dailan
Kifkini xilas etmәk istәyirәm.
– Yәqin ki, fillә evlәnmәyi düşünmürsәn! – anam
dedi. – Bax buna qәtiyyәn yol vermәrәm. Qonşular nә
deyәr? Xalan Klodomira nә deyәr? Әlәlxüsus, Baban
nә deyәr? Әminәm ki, bu fil oxumaq-yazmaq da
bilmir.
– Ana, bәsdir, görürsәn ki, mәşğulam.
Bu sözümdәn sonra kәnara çәkilәn anam ağlaya-
ağlaya elә möhkәm sәslә şikayәtlәndi ki, hamı onu
eşitdi:
– Ay aman! Biabır olduq! Qızım bir fillә evlәnmәk
istәyir!

54