Page 94 - "Dünya yuxutək əriyir..."

Şeirlər

Sevirәm, nәdә mәn haqsızam axı?..
Heç nә eşitmirәm, qınamayın siz.
Sözlәr sәssizlәşir sevәnlәr üçün,
Ağaclar dayanıb durur nәfәssiz.

Cavab da qorxutmaz sevәn kәslәri,
Verilәn sualın mәnası itәr.
Hәyat – sevәnlәrçün bir sayıqlama...
Şübhәlәr silinәr, itәr qәm, kәdәr.

Silinәr sıxıntı, gün-güzәran da,
Qorxunun sapları qırılıb qaçar.
Aşiqlәr unudar bizim dünyanı,
Onu bir-birinin gözündә tapar.

Eşqi sağaltmağa çalışmayın siz,
Tapılmaz sevgiyә heç yanda mәlhәm.
Sevmәyi bacaran kәslәrdәn ötrü
Qızdırma gәtirmәz nә ağrı, nә qәm.

Eşqi sağaltmağa çalışmayın siz,
O özü әn yaxşı hәbdi dünyada.
Eşqsiz insan – ruhsuz, ölü bir bәdәn,
Ömrünü qәfәsdә verәr o bada.

Sәni milyard dәfә öpmәk istәrәm!
Vallah çatdıraram, bacararam mәn!
Lap xәyalda olsun, lap bircә dәfә
Sevib adlayaram, sәnә yetәrәm!

94 / 95