Page 93 - "Dünya yuxutək əriyir..."

la Əliyeva Dünya yuxutək əriyir...

Qorxmuram heç nәdәn
bu dünyada mәn

Sәni milyard dәfә öpmәk istәrәm!
Buna ömür çatmaz, bilirәm axı?!
Sәni milyard dәfә öpmәk istәrәm!
Ayaq saxla hәyat, gәl qovma vaxtı.

Ayaq saxla, hәyat, dayan, nәfәs dәr!
Boş yerә çapırsan, bezmirsәn necә?
Bütün saatları, saniyәlәri
Sındırıb dağıdım, döndәrim heçә!

Əbәdi yox olsun «an» deyilәn şey,
Heçliyә çevrilsin saniyәlәr dә...
Günәş dә yox olsun, qar da әrisin,
Belәcә әvvәl dә, axır da itsin.

Qorxmuram heç nәdәn bu dünyada mәn!
Sanki yaşayıram özgә bir anda.
Qalxıram ulduzlu әnginliklәrә,
Sәninlә, sәninlә ayrı zamanda!

Mәn sәni sevirәm… Görәsәn, sevgi
Olurmu gülmәli, eybәcәr, fani?
Sevib anladım mәn, bir dә yenidәn
Sevgi gözәllikdi... odur әbәdi!