Page 515 - alberto moravia_Макет 1

Qüsursuz qətl

şeylәrdi; mәn elә Riqamontini mәhz bunların ucbatından
öldürmәyә hazır idim. O isә әdәbaz-әdәbaz gülümsәyib, az
qaldı lovğalıqdan cırılsın, çünki inanılmaz dәrәcәdә şöhrәt -
pәrәst, hәm dә özü haqqında çox yüksәk fikirdә idi. Aydın gö -
rü nürdü ki, tanış olmaq istәdiyi gözәlçә onun boş beynindәn
çıxmır, fikri-zikri daim onun yanındadır vә yalnız yalançı
mәğrurluq mane olur ki, bunu mәndәn xahiş elәsin. Axırda o,
sanki peşman olmuş kimi, tәәssüflә mәnә dedi:
– Qulaq as, ya mәni o qızla tanış et, ya da bu barәdә daha
heç nә danışma.
Mәn elә bunu gözlәyirdim, dәrhal sabaha görüş tәyin
elәdim.
Planım sadә idi. Biz işi saat onda qurtarırdıq, amma gәlir-
çıxarı hesablayan sahib barda saat on birin yarısınacan qalır.
Demәli, Riqamontini Viterbo dәmiryol xәttinin böyründәki
qum tәpәsinә aparıram, deyirәm ki, qız burada onun görüşünә
gәlәcәk. Qatar saat on birә on beş dәqiqә işlәmiş keçir; mәn
qatarın sәs-küyündәn istifadә edib, Vittroiya meydanındakı
mağazadan tәzәlikcә aldığım “beretta”dan ona atәş açıram.
Saat on birә iyirmi dәqiqә işlәmiş qәsdәn unutduğum bağlamanın
dalınca bara qayıdıram vә bu vaxt, әlbәttә ki, sahib mәni
görür. Әn uzağı, saat on birin yarısında kirayә qaldığım evin
qapıçı otağında, portyedәn bir gecәliyә götürdüyüm çarpayıya
uzanıram, vәssalam. Qatarla bağlı olan, hәmçinin vaxtın
hesablanmasına aid yerlәrin bir qismini filmdәn götürmüşdüm.
Plan baş tutmaya da bilәrdi, yәni cinayәtin baş verdiyi yerdә
tәsadüfәn kimsә mәni görәrdi – belәdә lәzzәti әn azı ondan
alacaqdım ki, hәr necә olsa, içimdәki yanğını söndürmüşәm;
bunun xәtrinә mәn hәtta katorqaya da hazır idim.
Ertәsi gün şәnbә olduğundan xeyli işlәmәli olduq, amma
bu hәtta yerinә düşdü, neyçün ki, Riqamonti mәnimlә qız
barәdә danışmağa fürsәt tapmadı; mәnim dә әlavә heç nә
düşünmәyimә ehtiyac qalmadı. Saat onda biz hәmişәkitәk

515