Page 382 - alberto moravia_Макет 1

Alberto Moravia

sәnaye şәhәridir. Mәn sement çuvallarıyla yüklәnmiş bәndin
yanındakı barjda ayaq saxlayıb sarımtıl, ensiz Tibrә baxa-
baxa bir qәdәr gözlәdim; mәnә gülmәli göründü ki, iri-iri
gәmilәrin girib-çıxdığı Genuya, yaxud Neapolun limanları
kimi, bu miskin qanov da liman adlanır. Әgәr mәn, hәqiqәtәn,
aradan çıxmaq istәsәydim, onda bu “limancığazdan”, uzaqbaşı,
Fiumiçinoya qәdәr qaça bilәr, orada dәnizә tamaşa elәyә-
elәyә qızardılmış balıq yeyәrdim.
Nәhayәt, irәli getmәyә qәrar verib körpünü keçdim vә
Tibrin o biri üzüylә uzanıb gedәn çöllüyә yönәldim. Baxmayaraq
ki, yaxınlıqda yaşayıram, amma buralara heç vaxt yolum
düşmәdiyindәn hara getdiyimi düzәmәlli bilmirdim. Әvvәlcә
hәr iki tәrәfi tullantılarla dolu olan çılpaq çöllüyün ortasındakı
adi asfalt yolla addımladım. Sonra asfalt yol torpaq cığıra
çevrildi, zibil qalaqları da tәpә kimi ucalırdı. Fikirlәşdim ki,
görünür, mәn şәhәrin hәr tәrәfdәn zibil daşınıb tökülәn hissәsinә
düşmüşәm. Burada bitki adına bir şey gözә dәymirdi; heç nә
kök atıb cücәrmirdi, әtraf köhnә kağız-kuğuzla, cır-cındırla,
paslı konserv bankalarıyla, hәr cür qida tullantılarıyla doluydu.
Göz işlәdikcә uzanan çöllük başdan-başa qızmar gün işığına
bәlәnmişdi, çürüntünün kәskin üfunәtindәn burun tutulurdu.
Tәrәddüd içindә ayaq saxladım: irәli getmәk istәmirdim, amma
geri qayıtmağa da meylim yox idi. Elә bu vaxt qәfildәn sәs
eşitdim, sanki kimsә itini yanına çağırırdı.
Başımı geri döndәrdim ki, görüm bu nә itdir, intәhası,
gözümә it-filan dәymәdi, baxmayaraq ki, zibil topalarının
arası elә sülәngi köpәklәrin oylağıydı. Onda fikirlәşdim ki,
yәqin, bu çağırış mәnә aiddir, sәsin eşidildiyi sәmtә boylanıb,
zibil qalaqlarının arxasında bayaqdan gözümә sataşmayan
dәmir örtüklü balaca bir koma gördüm. Komanın qapısı
ağzında tәxminәn sәkkiz yaşlarında sarıyanız bir qız dayanmışdı,
özü dә mәnә işarә verirdi ki, içәri girim. Qızcığazın sifәti
solğun idi, gözlәrinin altında yaşlı qadınlarınkı kimi göy
halqalar vardı, toz-torpağa bulaşmış pırtlaşıq saçları külәş

382