Page 325 - alberto moravia_Макет 1

Çoçara

O, cibindәn bir qalaq pul çıxarıb, burnumun ucunda
yellәmәyә başladı.
– Atamın beş ildә qazandığını mәn bircә gündә qazandım.
Hәtta ondan da çox. Biz Nuh әyyamında yaşamırıq, artıq hәr
şey dәyişilib, bunu etiraf etmәlisәn. Rozettaya görә isә narahat
olmağa dәymәz. O da başa düşüb ki, artıq әvvәlki qaydalarla
yaşamaq olmaz, yeni hәyatla ayaqlaşmağa çalışır. Rozetta
artıq işin çәmini tapıb. Ola bilsin, onun sevgi macәrası sәnin
ürәyincә deyil, sәnә başqa tәrbiyә veriblәr, öyrәdiblәr ki,
keşişin xeyir-duası olmadan sevmәk olmaz vә ya hәyatda belә
sevgi olmur. Rozetta isә bilir ki, keşiş oldu-olmadı, sevgi elә
sevgidir. Sәn bunu bilirsәn, Rozetta, elә deyil? Anana de ki,
bunu bilirsәn.
Rozarionun sözlәri mәni heyrәtә salmışdı, Rozetta isә heç
tövrünü pozmadan sakitcә oturmuşdu, elә bil bu söhbәtin ona
aidiyyәti yox idi. Rozario sözünә davam etdi:
– Mәsәlәn, bu günlәrdә Rozetta, Klorindo, qardaşım vә
mәn Neapola getmişdik. Orada bir-birimizlә yaxın dost kimi
davranırdıq, aramızda qısqanclıq-filan yox idi. Rozetta üçümüzün
dә xoşuna gәlirdi, amma bu, bizim dostluğumuza xәlәl
gәtirmәdi. Çox gözәl vaxt keçirtdik. Elә deyilmi, Rozetta,
gözәl vaxt keçirtdik.
Tәәccübdәn damarımda qanım dondu, indi başa düşdüm
ki, Rozetta tәkcә Klorindonun mәşuqәsi olmayıb, bu quldur
dәstәsinin hamısını әylәndirib. Demәli, o, tәkcә Klorindoyla
yatağa girmәyib, Rozario vә onun qardaşıyla da yaxınlıq edib.
Ola bilsin, Neapolda başqa bir yaramazla da yatıb. Neapolda
qadınların hesabına yaşayan, onları әlcәk kimi dәyişdirәn
әclaflar nә çox! Demәli, Rozetta әsl fahişәdir, kişilәr onunla
ürәklәri istәdiyi kimi davrana bilәr. Doğrudur, mәrakeşlilәr
onu zorlamışdılar. Amma bu zaman ona tanış olmayan bir hiss
od-alov kimi bütün varlığını sarmışdı vә indi rastına çıxan
bütün kişilәrin ağuşuna atılmağa vadar edirdi.
Nahar başa çatdı, Rozario süfrә arxasından qalxıb, kәmәrini
boşaltdı vә üzünü Rozettaya tutub dedi:

325