Page 246 - book-online

ìÿä Àüàîüëó

qalxan kişi natiqlәrin söylәdiklәrinin, bәlkә dә, yarısını
dinlәyirdi. Lakin atamın qadın dostu kürsüdә görünәr-
görünmәz әtrafa tükürpәrdici sükut çökürdü. Ona qulaq
asırdılar. Nәfәs çәkmәdәn dinlәyirdilәr. Artıq sözünün
sonuna gәlib çatıb. Var sәsi ilә hayqırır: “Savaşacağıq!
Sonunda, bәlkә dә, yıxıldıq. Amma elә yıxılacağıq ki,
bütün dünya altımızda qalıb әzilәcәk!”

Qәlәbәlik, eşitdiyi sözlәri tәkrarlaya-tәkrarlaya mey-
danlardan ayrılırdı.

Bir axşamüstü hәmin vaxt yaşadığımız Şahzadәbaşı
mәhәllәsindә, Hacı Akif Paşa mülkünün bağçasında
idik. Anam, bacı-qardaşlarım, üstәlik bir neçә qonağımız
da vardı. Xanımlardan biri qәzet oxuyurdu. Hәrbi mәh-
kәmәnin edamlarına qәrar verdiyi i ihadçıların siyahısı
idi. Aralarında atamın qadın dostunun da adı vardı.

Xatirәlәrim İstanbuldan Ankaraya, Keçiörәn bağlarına
uçarkәn bir anlığa Qәlәbә kәndinin qarşısındakı Qırmızı
köşkә qonur. Əksәr günlәr axşama doğru atam hәmin
köşkә baş çәkirdi. Bәzәn mәni dә yanına alırdı. Köşkdә
atamın, haqqında danışdığım qadın dostu yaşayırdı. Əri
Birinci Böyük Millәt Mәclisinin sәdr müavini idi. Qadın
özü isә әyninә şalvar, ayaqlarına uzunboğaz çәkmә
geymiş hәqiqi bir onbaşıya bәnzәyirdi! Amma başı
hәmişәki kimi qara yaylıqla bәrk-bәrk bağlanmış olurdu.
Üzü yenә bәyaz, sәsi yenә amiranә, hakim!

Zәfәrdәn sonra ta Doqquzuncu Böyük Millәt Mәclisi
açılana qәdәr hafizәmdә onunla bağlı yaşayanlar yalnız
hekayәlәri, romanları oldu. Bir dә başından keçәn
macәraları vardı. Evimizdә hәm özü, hәm dә әri haqqında
tez-tez danışılırdı. Mustafa Kamal Paşa ilә araları tәdricәn
dәymәyә başlayırdı. Yollarının bu şәkildә ayrılmasında
sadәcә hisslәr deyil, fikirlәr dә müәyyәn rol oynamışdı.

246