Page 232 - book-online

ìÿä Àüàîüëó

Vәkillәr Heyәtinin qәrarına uyğun seçim edәrkәn
Ankarada yaşamağı daha üstün tutdu. Əlindә әvvәlki
maddi imkanlarından heç bir şey qalmamışdı. Lakin
mәnәvi cәhәtdәn böyük zәnginlik sahibi idi. Ağrı dağının
qarşısında bu dağın özü qәdәr әzәmәtli vә tәmiz halda,
hәr tәrәfdәn kükrәyib daşan fırtınalara sinә gәrәn ruhu
vә xatirәlәri ilә baş-başa yaşayacaqdı. Hәr necә olursa-
olsun, bir tikә çörәkpulu qazanacaqdı. Bir gün ona yüz
lirә maaşla Qarsın heyvan bazarında alqı-satqı mәmurluğu
tәklif edilәndә sevinclә razılıq verdi. Keçmiş Qars mü-
vәqqәti hökumәtinin başçısı üçün bundan sonra Qarsda
qalmaq, doğma şәhәrdәn ayrılmamaq şәrti ilә tutacağı
vәzifәnin elә bir fәrqi yox idi.

Xatirәlәr dünyasında yaşamağa üz qoyandan sonra
içәrisindә bir arzu göyәrmәyә başladı. İstәyirdi ki, vәtәnin
qurtuluş savaşında oynadığı rol, gördüyü iş unudulmasın,
yaddaşlardan silinmәsin. Halbuki әvvәllәr dә, elә indinin
özündә dә Milli Mücadilәnin Şәrq cәbhәsinin tarixi
Kazım Qarabәkir Paşanın adı ilә başlanır. Qarabәkiri
çox sevirdi. Amma bu tarixdә özünün dә rolu vardı. Bu
rolun tanınması, tәsdiq olunması onun halal haqqı idi.

Bu arzuya qapıldığı anlarda sandığını açır, kiçik sәdәf
mücrü içәrisindә saxladığı möhür vә bayrağı çıxarıb sa-
atlarla baxır, onların hafizәsindә canlandırdığı hadisәlәri,
döyüşlәri, әndişә, ümid vә hәyәcanları xatırlayır, bәzәn
başını aşağı dikir, bәzәn ümidlә gülümsәyir, bәzәn
ağlamaq istәyirdi. Bayraq Qars Müvәqqәti hökumәtinin
bayrağı, möhür isә bu hökumәtin möhürü idi...

Nәhayәt, qәrarını verdi. Bunları Ankaraya aparacaq,
İnqilab İnstitutuna tәhvil verәcәk, belәcә, qurtuluş vә
inqilab tarixindәki halal yerini tutacaqdı.

232