Page 118 - book-online

ìÿä Àüàîüëó

bağçasından o birinә keçmәk üçün arada kiçik qapı da
vardı.

Atamın bu dostunun yaşlısını mәmlәkәtindә qoyub
gәldiyi, cavanını özü ilә İstanbula gәtirdiyi iki xanımı,
hәr ikisindәn aralarındakı yaş fәrqi çox böyük olan oğul-
qızları vardı. Düşünürәm ki, uzun, ağır sümüklü vücudu-
nun, iri qafasının, enli, qarayanız, çopur üzünün, başındakı
nәhәng çalmanın vә bәyaz, seyrәk saqqalının yaratdığı
qorxunc görünüşü olmasaydı, uşaqları, bir az da ikinci
analarının tәsiri ilә bir-birlәrinin qanını içәrdilәr. Amma
“Sәyyahi-Şәhir” Türkiyәdә vә evindә qaldığı vaxtlar
çiynindә cübbәsi, başında rәngbәrәng naxışlı tatar araqçını
süfrәnin başında oturub, durmadan çay içib iri-iri tikәlәrlә
әt yeyәrәk uşaqlarına tәsiri, yeni sәyahәtin sonuna qәdәr
davam etmәli olan nәsihәtlәr verir, üzәrlәrinә bir-birindәn
qorxunc hәdә vә tәhdidlәr yağdırırdı. Bәzәn var sәsi ilә
bağıraraq, bәzәn astadan, xahiş yolu ilә yaratdığı qorxu
xofu növbәti sәyahәtdәn qayıtmasına bir neçә gün qalana
qәdәr davam edirdi. Evlәrinin içindә qopan qiyamәtin
ilk gurultuları divarları aşıb qonşuların qapalı
pәncәrәlәrindәn içәri dolmağa başladığı әsnada atamın
dostu qapısının zәngini çalırdı.

Atamla çox vaxt sәhәrlәr, çay süfrәsi әtrafında
görüşürdülәr. Belә vaxtlarda otağın bir tәrәfinә çәkilib
üzünә bir az qorxu, bir az da heyrәtlә baxardım. Qalın,
gur sәsi tәsәvvürümdә göy gurultusuna bәnzәyirdi.
Kirli, sarı, seyrәk dişlәrinin ağzının yan tәrәflәrindә
olanları o birilәrdәn daha böyük, daha sivri idi. Onlara
tamaşa etdikcә anamın, xalalarımın danışdıqları
nağıllardakı divlәr gözlәrim önündә canlanırdı.

Hәyatdakı ilk dostlarım da atamın bu dostunun
kiçik qızı ilә oğlu olmuşdu. O qız hәm dә hәyatımın ilk
sevgisi idi. Altı-yeddi yaşın sevgisi! Sandalyaları yan-

118