Page 486 - "Azərbaycan ədəbiyyatı antologiyası" (Proza)

Azÿrbaycan ÿdÿbiyyatû antologiyasû

Cәlil dedi:
– Narahat olmayın... tәdbir görmüşәm...
Çox çәkmәdi ki, Kamil gәldi. Onun sevincinin hәddi-hüdudu yox idi:
– Gözünüz aydın! Gözünüz aydın! Teymur sağdı! Onu qәbirdәn tәcili
çıxartmaq lazımdı. Yazıq neçә gün imiş zәng edirmiş, mәn bağda olmuşam...
telefonum da qalıb evdә... tәsadüfәn...
Elә bu vaxt otağa әyninә ağ xalat geyinmiş sısqa bәdәnli bir hәkim vә
iki cantaraq şәfqәt bacısı daxil oldu.
Kamil dedi:
– Ağıllı iş görüb, hәkim çağırmısınız. Yәqin, indi halı xarablaşıb. Neçә
gündü ac-susuz... havasız da yer. Bir az da tez gedәk.
Hәkim Cәlildәn soruşdu:
– Budu?
Cәlil başı ilә tәsdiqlәdi.
486 Hәkim dedi:
– Bunlar Şeyx Nәsrullahçılardılar. Guya, nә vaxt istәsәlәr, ölülәrlә
telefon әlaqәsi yarada bilirlәr.
Kamil çaşdı:
– Bu nә sözdü? Başa düşmәdim...
Hәkim şәfqәt bacılarına dedi:
– Zәhmәt olmasa... bir sakitlәşdirici...
Kamil var gücü ilә qışqırdı:
– Siz nә edirsiniz?!
Şәfqәt bacıları Kamili yerә yıxdılar vә o, iynәdәn sonra çox çәkmәdi
ki, süst oldu...
Sәnubәr xanım Kamilin get-gedә solğunlaşan bәnizinә ikrahla baxıb
dedi:
– Utanmır... adını da dost qoyub...
Cәlil dodağının altında mızıldandı:
– Ölünü urvatsız, bizi dә rüsvay elәyir... – Sonra o, sәsinin tonunu bir
qәdәr qaldırdı:
– Hәkim, elә bil son vaxtlar başdanxarabların sayı lap çoxalıb. Bunun
bir tibbi izahı var, yoxsa yox?
Hәkim mәzәlәndi:
– Var, әlbәttә, var... Qlobal iqlim dәyişikliklәri... İndiyә qәdәr heç
görmüşdünüz ki, Bakıda belә isti olsun?.. Bir hәkim-meteoroloq var, sübut
elәyir ki, insan ağlının buxarlanma qabiliyyәti suyunkundan çoxdu... Düzdü,
o da başdan bir balaca... dayan görüm, bir gözәl söz var e... hә, yadıma
düşdü... mayıf... başdan mayıfdı... Amma, neynirsәn, universiteti fәrqlәnmә