Page 84 - design_Topcubashov_Full_Layout 1

Əlimərdan bəy Topçubaşov

Belә icmal yerinә bugünkü sayımızdan etibarәn qәzetimizin
sәhifәlәrindә “Qafqaz mәnzәrәlәri” ümumi başlığı altında
söhbәtlәr aparmağa başlayacağıq. Hәmin mәnzәrәlәr elә
nәhәng tablodur ki, onları tam әks etdirmәk üçün neçә-neçә
fırçaya ehtiyac var. Әgәr dediyim mәnzәrәlәrin tәsvirindә
solğun rәnglәrdәn istifadәyә mәcbur qalsam, onlar bәzәn
hәyat nәfәsindәn mәhrum görünsәlәr, dumanlı, sadәcә әl
altındakı bütün boyaların üst-üstә yaxıldığı qarma-qarışıq
lövhә tәsiri bağışlasalar, oxucuların şikayәtlәnmәmәlәrini
istәyirәm. Yenә dә tәkrar edirәm: indiki hәyat şәrtlәri
daxilindә rәssam olmaq, xüsusәn dә parlaq, işıqlı rәnglәrlә
ürәk oxşayan tablolar çәkmәk çox çәtindir.
Әgәr biz “Qafqaz mәnzәrәlәri”nin eskiz hissәsini tam
dolğunluğu ilә әks etdirә bilsәk, mәnәvi cәhәtdәn özümüzü
tәmin olunmuş sayardıq. Şәkli tamamlamağı isә peşәkar
rәssamların öhdәsinә buraxardıq. Çünki әvvәl-axır bizim
Qafqazda da belәlәrinin yetişәcәyinә әminik. Lakin
84 arzuladığımız tamlığa vә mükәmmәlliyә nail olmaq üçün
ölkәnin hәyatından faktları, mәlumatları bilmәyimiz zәruridir.
Onları harada tәxmin etsәk vә tapsaq, oradan da götürmәyә
çalışacağıq. Әvvәlcәdәn bütün daimi vә tәsadüfi müxbir lә -
rimizә minnәtdarlığımızı bildiririk. Gәlәcәk fәaliyyәtimizdә
bütün ümidlәrimizi milli mәnsubiyyәtindәn asılı olmayaraq
Qafqaz ziyalılarına bağlayırıq.
Ziyalıların borcu Qafqazın mәnәvi vә iqtisadi dirçәlişinә
әllәrindәn gәlәn yardımı әsirgәmәmәkdir. Şübhәsiz, onların
hәr biri öz fәrdi fәaliyyәt sahәsindә ümumi işә fayda gәtirir.
Lakin vәtәnimiz Qafqazın indiki vәziyyәtindә, yaradıcı
insanların çatışmadığı mövcud şәraitdә hәr bir yerli ziyalının
borcu imkanı çatdığı qәdәr xalq kütlәlәrinin inkişafına
çalışmaq, onların cәhalәt yuxusundan oyanmalarında әvәzsiz
rolu olan aşkarlıq mühitinә yardım göstәrmәkdir.
Qoy hәr bir qafqazlı ziyalı rast gәldiyi eybәcәr fakt,
yaşadığı yerin bu vә ya digәr ehtiyacları, çatışmazlıqları,