Page 57 - design_Topcubashov_Full_Layout 1

...Xalqımızın müstəqil yaşayacağına inanırdıq

qız mәktәbinin proqramının genişlәnmәsinә gәtirib çıxarmalıdır.
Demәyә lüzum varmı ki, çox tezliklә birsinifli ibtidai mәktәb
kursu burada tәhsil alan müsәlman qızları üçün qeyri-kafi
görünәcәkdir? Onlar tәhsillәrini davam etdirmәk istәyәcәklәr.
Ortaya çıxan tamamilә tәbii tәlәbat gündәliyә rus-müsәlman
qadın progimnaziyasının, sonra isә gimnaziyanın tәşkili
mәsәlәsini gәtirәcәkdir.
Düşünürük ki, hәmin mәsәlәlәr dә yenә bizim Bakıda
hәllini tapacaq. Vә bu işin öhdәsindәn gәlәnlәr dә indi
müsәlman qızlarının tәhsili ideyasını başlanğıc mәrhәlәdә
hәyata keçirәnlәr olacaqlar. Rus-müsәlman qız mәktәbinin
tәsisçisi H.Z.Tağıyev әbәs yerә pansionu ilә birlikdә qadın
progimnaziyasının, hәtta bütöv gimnaziyanın yerlәşә bilәcәyi
belә böyük bir bina tikdirmәyib! İmperatriçә Ülyahәzrәtlәrinin
adını daşıyan birinci rus-müsәlman qız mәktәbi tәkamül
yolu ilә inkişaf prosesindә müsәlman qızlarına verilәn
biliklәrin әhatә dairәsini o qәdәr genişlәndirmәlidir ki, onlar
57
zaman keçdikcә öz әqli vә mәnәvi keyfiyyәtlәri sayәsindә
başqa xalqların savadlı xanımları ilә eyni sәviyyәdә dayanmağı
bacarsınlar.
Tәbii ki, arzuladıqlarımız gәlәcәyin vәzifәsidir. Hәlәlik
isә müsәlman qızlarının tәhsili kimi gözәl vә nәcib bir işin
möhkәm tәmәli qoyulub. Bu, elә mühüm addımdır ki, onun
mövcudluğundan kәnarda müsәlmanların әqli-mәnәvi inkişafını
vә iqtisadi yüksәlişini tәsәvvürә gәtirmәk mümkün deyil.
Tam zamanında dindaşlarının yardımına gәlәn Hacı
Zeynalabdin Tağıyev özünün mәsәlәyә münasibәtindә qadını
ailәdә son dәrәcә yüksәk tutub, Mәhәmmәd peyğәmbәrin
“Cәnnәt anaların ayaqları altındadır” kәlamına dürüstlüklә
әmәl etdiyini göstәrmişdir.
Ailәnin әsası kimi yalnız ağıllı qadın cәmiyyәt vә dövlәt
üçün belә mühüm institutun nә dәrәcәdә zәruri olduğunu
başa düşә bilәr. Yalnız bilikli qadın öz uşaqlarına – gәlәcәk