Page 558 - design_Topcubashov_Full_Layout 1

Əlimərdan bəy Topçubaşov

Sizә göndәrirәm. Әvvәlcә onları göndәrmәkdәn çәkindim.
Çünki әvvәla, әlimin altında rusca surәtlәri yox idi, digәr
tәrәfdәn isә Londondan xahiş elәmişdilәr ki, atdığımız
addımlarla bağlı heç kimә mәlumat vermәyәk. Tәbii ki, mәn
gürcülәrlә birlikdә qәbul etdiyimiz qәrara tabe olmalı idim.
Lakin “Yeni Kafkasya”nın 610 13-cü sayından da göründüyü
kimi, bu qәrar artıq pozulub. Oxşar notalar İtaliya hökumәtinә
dә tәqdim edilmişdi.
Bilirsiniz, “ehtiyatlılıq” haqqında bütün xәbәrdarlıqların
әvәzinә şәxsәn orada olmaq, Sizә vә digәr siyasi xadimlәrimizә
hәr şey haqda tәfәrrüatlı mәlumat vermәk, fikir mübadilәsi
aparmaq, ümumi fәaliyyәtimizin әsaslarını vә gәlәcәk hәrәkәt
planımızı işlәyib-hazırlamaq nә qәdәr ürәyimdәn keçir?!
Bu, mәnim çoxdankı arzumdur, onu yerinә yetirmәyin,
gerçәyә çevirmәyin zәruriliyi indi daha güclü vә kәskin
şәkildә hiss olunur. Lakin bәdbәxtlikdәn, bu istәyimi hәyata
keçirmәk hazırda mümkün deyil. Çünki әvvәllәr dә yazdığım
558
kimi, nümayәndә heyәtinin vә ayrılıqda hәr birimizin maddi
vәziyyәti artıq çoxdan son dәrәcә acınacaqlı şәkil alıb. Bu
istiqamәtdә göstәrilәn bütün cәhd vә tәşәbbüslәrimiz, bütün
istәk vә tәlәblәrimiz sәmәrәsiz qalıb. Yaranmış şәrait London
konfransına getmәk imkanlarının da qarşısını alır. Eyni
zamanda orada iştirakın ümumi işimizә faydalı olacağı hәr
kәs tәrәfindәn etiraf edilir.
Bax bu sәbәbdәn dә şәxsi görüşlәrdәnsә (әlәlxüsus
Konstantinopolda) yazışma imkanları ilә mәhdudlaşmaq
lazım gәlir. Ona görә, Sizdәn xahiş edirәm ki, bütün bәhs
olunan mәsәlәlәr, elәcә dә göndәrdiyim nota surәtlәrinin
mәzmunu barәdә ümumәn mәsәlәni çox geniş yaymadan
başqa yoldaşlarımızla da danışasınız. İndi London konfransı
proqramının iqtisadi vә maliyyә tәrәflәri ilә bağlı notanın
hazırlanması ilә mәşğulam.