Page 465 - design_Topcubashov_Full_Layout 1
P. 465
...Xalqımızın müstəqil yaşayacağına inanırdıq
VIII
AZӘRBAYCAN HÖKUMӘTİ BOLŞEVİKLӘRİN
BӘRBAD HALA SALDIQLARI ÖLKӘDӘ QAYDA-
QANUNU BӘRPA EDİR.
AZӘRBAYCAN PARLAMENTİ
Bәrpa
Bakının azad olunması Azәrbaycan hökumәtinә ölkәdә
qayda-qanunu daha mәqsәdyönlü vә asan şәkildә bәrpa
etmәk imkanı verdi. Әn vacib problem qanunvericilik
orqanlarının işini yenidәn qurmaq idi. Çünki siyasi vә hәrbi
özbaşınalıqlar nәticәsindә Azәrbaycan Milli Şurasının
iclaslarının keçirilmәsi dayandırılmışdı. Tәbii ki, bu da öz
növbәsindә Müәssislәr Mәclisi çağırmağa imkan vermirdi.
Bu arada barışığın әldә edilmәsi Azәrbaycan hökumәtinә
özünün bütün qüvvәlәrini dinc quruculuq işlәrinә yönәltmәyә
şәrait yaradırdı. 465
Müttәfiq qoşunlar Bakıda
Qarşıda duran ilk vәzifә İranın Әnzәli şәhәrinә rәsmi
nümayәndә heyәti göndәrib, Müttәfiq qoşunların baş
komandanı, ingilis generalı Tomsonla danışıqlara başlamaq
vә bu hәrbi qüvvәlәrin Bakıya gәlmәsini xahiş etmәk idi.
Hәmin iş 1918-ci il noyabrın 17-dә hәyata keçirildi. Müttәfiq
qoşunlarını tәmsil edәn generalın şәrәfinә tәntәnәli rәsmi
keçid düzәldildi. O, hökumәt nümayәndәlәri tәrәfindәn qәbul
edildi. Aradan az keçmәmiş general Tomsonun bәyanatı
yayıldı. Bәyanatda Müttәfiq qoşunların gәlişindәn söz açılır
vә bildirilirdi ki, onların yalnız bir mәqsәdi var, bu da
Azәrbaycan әrazisinin vә cәmiyyәtinin müxtәlif hissәlәri
arasında sülhü bәrpa etmәkdir. General Tomson hәmin
gündәn etibarәn bütün sakinlәrә Azәrbaycan hökumәtinә
tabe olmağın zәruriliyini bildirdi.
