Page 464 - design_Topcubashov_Full_Layout 1

Əlimərdan bəy Topçubaşov

VII
BAKINI BOLŞEVİKLӘRDӘN XİLAS ETMӘK
ÜÇÜN GÖRÜLӘN TӘDBİRLӘR

Bakı azad edilir
Gәncәdә bәrqәrar olan Azәrbaycan hökumәti Bakı vә
çevrәsindәki müsәlmanların dәhşәtli vәziyyәtindәn xәbәrsiz
deyildi. Bakını tezliklә azad etmәk hökumәti әn çox düşündürәn
mәsәlә idi. Bu mәqsәdlә hәrbi hissәlәr tәşkil edildi, yardım
üçün Gürcüstana müraciәt olundu. Lakin başı öz daxili
problemlәrinә qarışan, ölkәdәki bolşeviklәrlә mübarizә
aparmaq mәcburiyyәti qarşısında qalan gürcülәr lazımi
yardım göstәrә bilmәdilәr. Elә bu әrәfәdә bolşevik qoşunları
Bakı yaxınlığında vә Göyçayda dәmir yolunu әlә keçirib
tezliklә Gәncәni tutmaq mәqsәdilә Kürdәmirә doğru
irәlilәmәyә başladı.

464 Türkiyәdәn kömәk
Digәr müsәlman ölkәlәrindәn heç bir yardım almağa
ümid qalmadığı, Bakı faciәsinin tәkrarlanmaq tәhlükәsinin
meydana çıxdığı çәtin vәziyyәtdә Azәrbaycan hökumәti
asayişini tәmin etmәyә borclu olduğu xalqı qırğına
vermәmәkdәn ötrü türklәri kömәyә çağırmaqdan başqa yol
görmәdi. Onların hәrbi yardımı sayәsindә Azәrbaycan
hökumәtinin qurduğu ordu ilk növbәdә dәmir yolunu azad
etdi. Sonra Şamaxını bolşeviklәrdәn tәmizlәyib Bakını
mühasirәyә aldı. İki ay sonra şәhәr Azәrbaycan qoşunları
tәrәfindәn azad edildi.