Page 435 - design_Topcubashov_Full_Layout 1

...Xalqımızın müstəqil yaşayacağına inanırdıq

Şurası sәdrinin adına Azәrbaycanda işlәrin vәziyyәti vә ingilis
qәzetlәrinin haqqında xәbәr yaydığı hadisәlәrlә bağlı sәhih
mәlumat göndәrmәk xahişi ilә radio-teleqram yola saldı.
Eyni gündә vә eyni mәsәlә ilә әlaqәdar Azәrbaycanın
Konstantinopoldakı nümayәndәsinin adına tәcili teleqram
vuruldu.
Sonuncudan mayın 5-dә tәcili teleqramla cavab alındı.
Orada deyilirdi ki, Azәrbaycanda Mәmmәdhәsәn Hacınskinin
rәhbәrliyi altında yeni hökumәt yaradılıb. Başqa mәlumat
yoxdur.
Bu arada qәzetlәr başdan-başa ziddiyyәtlәrlә dolu xәbәrlәr
yaymaqda davam edirdilәr. Әlindә etibarlı mәnbәlәrdәn
alınmış heç bir sәhih mәlumat olmadığından nümayәndә
heyәti hәmin ziddiyyәtlәrә aydınlıq gәtirmәyә qadir deyildi.
Tәbii ki, böyük narahatlıq içindә olan, baş vermiş hadisә
barәsindә kiçicik dә olsa, bir mәlumat әldә etmәk istәyәn
heyәt bu dәfә artıq Parisdәki ingilis tәmsilçiliyi vasitәsi ilә
Bakıya ikinci dәfә teleqram vurdu. 435
Bu gün artıq mayın 11-i olmasına baxmayaraq,
göndәrdiyimiz teleqramların heç birinә cavab ala bilmәmişik.
Qәzetlәr isә әn müxtәlif şәkildә, ziddiyyәtlәrlә dolu vә
bir-birini tәkzib edәn tәrzdә bizdә, Gürcüstanda, Ermәnistanda,
hәtta İranda bolşevik hakimiyyәtinin bәrqәrar olduğunu
xәbәr verirlәr. Bu mәsәlәdә bir tәrәfdәn bolşeviklәr, o biri
tәrәfdәn isә türk milliyyәtçilәri vә Azәrbaycan arasında
qarşılıqlı anlaşmaya әsaslanan münasibәtlәr vә s. vә i.a.
haqqında yazırlar.
Nümayәndә heyәti bütün bu tipli xәbәrlәrә necә
yanaşacağını bilmir, onları nә qәbul, nә dә tәkzib etmәk
imkanına malik deyil. Çünki indiyә qәdәr Bakıda vә
ümumiyyәtlә, Azәrbaycanda (әlәlxüsus da Zәngәzurda vә
Qarabağda) baş vermiş (әgәr doğrudan da bir şey olubsa!)
hadisәlәr haqqında etibarlı mәnbәdәn heç bir mәlumat әldә
edә bilmәyib vә bu gün dә әldә edә bilmir...