Page 42 - design_Topcubashov_Full_Layout 1

Əlimərdan bəy Topçubaşov

dayanacaq. Sözün geniş mәnasında, neft mәsәlәsini xüsusi
izlәyәcәyik. Bu mәqsәdlә qәzetimizdә ayrıca “Neft şöbәsi”
fәaliyyәt göstәrәcәk. Neftin tәkcә Bakı rayonu adlandırılan
әrazidә deyil, ümumdövlәt miqyasında necә böyük әhәmiyyәt
daşıdığını nәzәrә alaraq, neft istehsalının vәziyyәti vә inkişafı
ilә bağlı bütün detallarla maraqlanacaq, çәtinlik vә problemlәrә
diqqәt çәkmәyә çalışacağıq. Çünki az öncә dә dediyimiz
kimi, neftin bizdәn ötrü ümumdövlәt әhәmiyyәti var.
Nәhayәt, Mәrkәzi Asiyadakı әrazilәrimiz vә Şәrq ölkәlәri
ilә qonşuluq münasibәtlәrimiz sonuncularla daimi ticarәt
әlaqәlәri saxlamağı zәrurәtә çevirmәklә yanaşı, Asiya yolu
üzәrindәki dәniz limanı kimi Bakının әhәmiyyәtini artırır.
Bu isә öz növbәsindә bizi Xәzәr dәnizi vә hövzәsindә
gәmiçiliyin inkişafına daha artıq diqqәt yetirmәyә vadar
etmәlidir. Sadaladığımız mәsәlәlәr vә hәmin istiqamәtdә
görülәn işlәr qәzetin “Dәniz şöbәsi”ndә әksini tapacaq.
Bakıya gәldikdә isә, “Kaspi” hәmişәki kimi, yenә dә
42 sәhifәlәrindә şәhәrimizә xüsusi hәvәslә yer ayıracaq. Burada
yerli ictimai özünüidarәnin fәaliyyәt dairәsinә daxil olan
bütün mәsәlәlәr әksini tapacaq. Sәmimi surәtdә inanırıq ki,
xatırlatdığım istiqamәtdә hәlә çox, hәm dә birgә çalışmağımız
lazımdır. Birgә dedikdә hökumәt vә ictimai dairәlәri, şәhәr
ictimaiyyәtini vә mәtbuatı nәzәrdә tuturuq. Çalışmalıyıq ki,
ümumi sәylәrimizlә hәlәlik yarı Asiya tipli Bakı sanitariya
qaydaları vә zahiri görünüş, şәhәr tәsәrrüfatının tәşkili vә
әhalinin ehtiyaclarının ödәnilmәsi baxımından yaxşı mәnada
dәyişsin, gözәllәşsin. Bir sözlә, elә etmәk lazımdır ki, o,
neft sәltәnәtinin paytaxtı adına vә mövqeyinә hәr cәhәtdәn
layiq olsun.
“Kaspi”nin indiyә qәdәr tәqib etdiyi vә bundan sonra da
daim diqqәt mәrkәzindә saxlayacağı әsas hәdәflәr ümumi
şәkildә bunlardır. Qarşıya qoyulan vәzifәlәr öz-özlüyündә
çәtindir, mürәkkәbdir. Onların çәtinliyi bölgәmizin xarakter
etibarilә müxtәlifliyi, burada fәrqli din vә millәtlәrdәn ibarәt
әhalinin yaşaması ilә daha da artır, dәrinlәşir.