Page 360 - design_Topcubashov_Full_Layout 1

Əlimərdan bəy Topçubaşov

IX
1. Bir neçә birgә iclas keçirdiyimiz gürcü vә dağlı
nümayәndә heyәtlәri ilә yanaşı, fars heyәti ilә dә iki dәfә
görüşmüşük. Yeddi saylı mәlumatda da xәbәr verdiyim kimi,
bu heyәt öz memorandumunda bütün keçmiş Azәrbaycan
xanlıqları ilә bağlı әrazi iddiası irәli sürüb. Onlar iddialarını
tarixi dәlillәrlә әsaslandırmağa çalışırlar. Lakin motivasiyaları
çox zәifdir. Görünür, özlәri dә tәlәblәrinin yerinә yetirilәcәyinә
inanmırlar. Әlbәttә, burada başqa bir motiv dә var. O da
Qafqaz Konfederasiyası yaradılmasının qeyri-mümkünlüyüdür.
Farslar deyirlәr ki, әgәr hәmin variant alınmasa, iranlılarla
birlәşmәyimiz münasib olardı. Onlar bunu çox istәyirlәr.
Xüsusilә dә özlәrindә bizdәki kimi ziyalıların olmadığını
etiraf edirlәr.
2. Estoniya, Latviya, Belarusiya vә Ukrayna nümayәndәlәri
ilә dә münasibәtlәr qurmuşuq.
3. Polşa nümayәndә heyәtinin başçısı cәnab Dmovski 472
bizi sәhәr yemәyinә dәvәt etmişdi. Sәhәr yemәyindә Polşa
360
Nazirlәr Şurasının sәdri cәnab Paderevski 473 dә iştirak edirdi.
Onunla da qarşılıqlı görüşlәrimiz oldu.
4. İyunun 18-dә Fransa Xarici İşlәr Nazirliyi Şәrq
şöbәsinin işçisi Qu ilә görüşdük.
5. Nümayәndә heyәtimizin İngiltәrә vә İtaliyanın baş
nazirlәri ilә görüşü hәlә baş tutmayıb. Çünki bütün iyun ayı
әrzindә Beşlәr Şurası 474 Almaniya ilә sülh müqavilәsi
mәsәlәlәriylә mәşğul olub.

X
Nümayәndә heyәtinin iqtisadi addımlarına (mәlumatın
VIII paraqrafı) qayıdaraq bizim Ticarәt vә Sәnaye Nazirliyinin
bu vә ya digәr malların alınması üçün müxtәlif adamlara
çox asanlıqla, hәtta deyәrdim ki, mәsәlәnin mahiyyәtinә
varmayacaq dәrәcәdә yüngülbeyinliklә icazә vermәsinә
diqqәti cәlb etmәk istәrdim. Bu işlәrlә bağlı әn azı nümayәndә
heyәtinә xәbәr vermәk lazım idi.