Page 351 - design_Topcubashov_Full_Layout 1

...Xalqımızın müstəqil yaşayacağına inanırdıq

vә dağlılarla birlikdә üçtәrәfli ümumi iclaslara toplaşmışıq.
Nәhayәt, keçmiş Rusiyadan ayrılan vә öz respublikalarını
yaradan bütün yeni dövlәtlәrin – Estoniya, Gürcüstan,
Latviya, Şimali Qafqaz, Belarusiya, Ukraynanın vә bizim
birgә iclasımız olub.
Nәticәdә nümayәndә heyәti iyulun 5-dә Kolçak hakimiy -
yәtinin bütün keçmiş Rusiya әrazisindә tanınma ehtimalı ilә
bağlı etiraz notasından başqa (bax: mәlumat № 7, sәhifә 10,
paraqraf 5), iyunun 17-dә yuxarıda sadalanan bütün
respublikalar, iyunun 23-dә isә Azәrbaycan, Gürcüstan vә
Şimali Qafqaz respublikaları adından da konfransa etiraz
notaları tәqdim edib. Onların surәtlәri әlavә olunur.
Qafqaz respublikaları adından iyunun 23-dә verilәn
notada Kolçak vә Denikin әleyhinә etirazımız bildirilir.
Nәhayәt, Denikinin Şimali Qafqaz Respublikasının
әrazisini işğal etmәsi, Dağlılar hökumәtini vә Parlamentini
qovması, habelә Azәrbaycan vә Gürcüstan respublikalarının
mövcudluğuna tәhlükә yaratması barәdә tanınmış sosial- 351
demokrat, “Keçmiş Rusiya millәtlәrinin hüquqlarını müdafiә
cәmiyyәti”nin sәdri Albert Tomasın 465 tәşәbbüsü ilә sayca
dördüncü etiraz notası hazırlanıb. Bu notanı bizim heyәtin
üzvlәrindәn Ә.Şeyxülislamov vә Mәhәrrәmov da imzalayıblar.
Hәmin sәnәd bu günlәrdә Müttәfiq dövlәtlәrin (“Alliees”)
xarici işlәr nazirlәrinә tәşәbbüskarın özü tәrәfindәn tәqdim
edilәcәk. Notanın surәti әlavә olunur.

III
Yuxarıda xatırladılan ümumi yığıncaq vә birgә çıxışlar,
heç şübhәsiz, hәm Qafqaz respublikalarının, hәm dә keçmiş
Rusiya әrazisindә yaranan digәr respublikaların nümayәndә
heyәtlәrinin daha da yaxınlaşmasına kömәk edir.
Biz hamı üçün mәqbul sayılan addımlar atmağa özümüzü
borclu bilirik. Qonşu respublikalarla yaxın münasibәtlәrin
yaranması isә daha sevindiricidir.