Page 346 - design_Topcubashov_Full_Layout 1
P. 346
Əlimərdan bəy Topçubaşov
VI
Sülh konfransı üçün memorandum
Bütün bunlardan başqa, nümayәndә heyәti Parisә gәldiyini
bildirmәk, elәcә dә amerikan, ingilis (buradakı ingilis sәfirinin
dә yanında olmuşam) tәmsilçilәri vә mәtbuat xadimlәri,
habelә Asiya Cәmiyyәti üzvlәri ilә tanışlıq yaratmaq üçün
bir sıra rәsmi vә qeyri-rәsmi addımlar atıb. Müvafiq binanın
axtarılıb-tapılması da xeyli vaxtımızı alıb.
Daha az әhәmiyyәt kәsb edәn mәsәlәlәrlә tanışlıq, habelә
konfransda tәmsil olunan dövlәt vә nümayәndә heyәtlәrinin
üzvlәri ilә görüşlәr müvәqqәti olaraq dayandırılıb. Bu qәrarı
sülh konfransına tәqdim edәcәyimiz memorandumun
hazırlanması ilә әlaqәdar vermişik.
İndi nümayәndә heyәtinin bütün üzvlәri hәmin mәsәlә
ilә mәşğuldurlar. Ümidvarıq ki, memorandumu tezliklә başa
çatdırıb lazımi yerlәrә vә şәxslәrә tәqdim edәcәyik. Sonra
346 isә onun daha geniş yayılması mәqsәdilә nәşrinә nail olmaq
fikrindәyik. Lakin tәәssüf ki, artıq indidәn çap mәsәlәsi ilә
bağlı texniki çәtinliklәr ortaya çıxır: mәtbәә fәhlәlәrinin
çatışmaması, yaxşı kağızın, yaxud rәngin ya ümumәn
tapılmaması, ya da hәddәn artıq bahalığı vә s. bu qәbildәndir.
Memorandumdan başqa, hәlә xәritә, diaqram vә müxtәlif
statistik mәlumatlar da çap etmәliyik.
Parisdә olduğu ilk ay әrzindә nümayәndә heyәtinin
fәaliyyәtinin müxtәsәr mәnzәrәsi belәdir.
Doğrudur, bura başqalarından gec gәlmişik. Lakin әn
maraqlı dövrdә, hadisәlәrlә zәngin vaxtda özümüzü yetirmişik.
Bizim növbәmiz tez, yoxsa gec çatacaq – bilinmir, ancaq
ümid edirik ki, gücümüzün vә qüvvәlәrimizin imkan verdiyi
qәdәr doğma Azәrbaycanın mәnafelәrini qoruyacağıq.
Hökumәtә göndәrilәn vә say etibarı ilә yeddinci olan
mәlumatı bitirәrkәn aşağıdakıları xahiş etmәyi özümә şәrәf
bilirәm:
