Page 349 - design_Topcubashov_Full_Layout 1

...Xalqımızın müstəqil yaşayacağına inanırdıq

№ 8
8–9 iyul 1919-cu il
Paris, Claridges hotel
74 Avenue des Champs-Elysees

AZӘRBAYCAN RESPUBLİKASI
NAZİRLӘR ŞURASININ SӘDRİNӘ

Cәnab Sәdr!
Düz bir ay әvvәl rәhbәrlik etdiyim nümayәndә heyәtinin
Parisdәki fәaliyyәtinin ilk ayı ilә әlaqәdar Sizin adınıza
hazırladığım mәlumatı (№ 7), tәәssüf ki, vaxtında göndәrә
bilmәdim. Çünki Dağlılar Respublikası nümayәndә heyәtinin
Qafqaza getmәyә hazırlaşan kuryeri sәfәrini tәxirә saldı. O
iyulun 1-dә yola düşdü. İyulun 3-dә isә cәnab Vahabov
getmәlidir. Daha etibarlı adam kimi, bütün yazışmalarımızı
onunla göndәrmәk qәrarına gәldim. Doğrudur, cәnab Vahabov 349
buradan yalnız iyulun 10-da çıxacaq, lakin buna baxmayaraq,
Bakıya Dağlılar Respublikasının kuryerindәn tez çatmalıdır.
Eyni zamanda cәnab Vahabov tezliklә geri qayıtmaq
niyyәtindәdir vә göndәrilәcәk bütün mәsul yazışmaları,
qәzetlәri vә s. gәtirmәyә hazırdır.

I
Әvvәlki (№ 7) vә indiki sәnәdlәri eyni vaxtda yola
saldığım üçün 7 №-li mәlumatın sonunda bәhs etdiyim
ikinci memorandumla bağlı mәsәlәdәn başlayacağam.
Memorandum iyunun 12-dә, әsasәn, yazılıb başa çatdırıldı
vә onu heyәt üzvlәrinә oxudum. Verilmiş tәkliflәr, әlavә vә
düzәlişlәr әsasında sәnәd yenidәn tәshih olunub fransızcaya
tәrcümә edildi. İndi isә ingilis tәrcümәsi üzәrindә iş gedir.
Mәtbәә tapılıb, bu günlәrdә çapa başlanılacaq. Xәritәlәrin
bir hissәsi çap olunub. Onları mәlumata әlavә edәcәyәm.