Page 318 - design_Topcubashov_Full_Layout 1

Əlimərdan bəy Topçubaşov

№ 1
4–5 mart 1919-cu il

AZӘRBAYCAN RESPUBLİKASI
NAZİRLӘR ŞURASININ SӘDRİNӘ

Cәnab Sәdr!
Vaxt azlığı vә yaşadığımız dövrün fövqәladә şәraiti,
fikrimizcә, Parisә, Xalqlar konfransına 430 yola düşmәk üçün
buraya göndәrilmiş Azәrbaycan sülh nümayәndә heyәtinin 431
tәşkili zamanı buraxılan sәhvlәr üzәrindә әtraflı dayanmağa
imkan vermir.
Ona görә dә müxtәsәr olacağam, yalnız üzlәşdiyimiz vә
indinin özündә dә çıxış yolu tapa bilmәdiyimiz şәraitә
toxunacağam.
Nümayәndә heyәtimiz Konstantinopola yanvarın 20-dә,
Şimali Qafqazın vә Gürcüstanın heyәtlәri ilә eyni vaxtda
318 gәlib. Tәrkibini tam müәyyәnlәşdirәndәn, bir neçә yeni
әmәkdaş, tәrcümәçi vә texniki işçi dәvәt edәndәn, iş bölgüsü
aparandan vә tәşkilatdaxili vәzifәlәri aydınlaşdırandan (bax:
әlavә № 14) sonra buradan Parisә yola düşmәk üçün imkanlar
axtarmaq mәqsәdilә fәaliyyәt başlanıb. Әvvәlcә bu, bizә
çox asan gәlirdi, ortaya çıxan çәtinliklәrin yalnız texniki
xarakter daşıyacağı güman olunurdu. Başqa sözlә desәm,
işin bizә müşkül görünәn tәrәfi buradan son dәrәcә qeyri-
ardıcıl şәkildә, Marseldәn keçmәklә Parisә yollanan azsaylı
gәmilәrin birindә yer almaq sayılırdı.
Lakin mәnim ingilis vә fransız nümayәndәlәrinin hәr
biri ilә iki görüşümdәn, heyәtimizin bәzi üzvlәrinin ingilislәrin
Baş qәrargahında olmasından, tәrcümәçilәrimizin ora
göndәrilmәsindәn, nәhayәt, özümün Baş qәrargaha şәxsәn
gedişimdәn sonra aydın oldu ki, Parisә yola düşmәk mәsәlәsi
texniki çәtinliklәrdәn daha çox digәr sәbәblәrlә әlaqәdardır
– sәfәrimizә istisnasız olaraq siyasi xarakterli mülahizәlәrә
görә maneçilik törәdilir.