Page 256 - design_Topcubashov_Full_Layout 1

Ә.TOPÇUBAŞOVUN XARİCİ İŞLӘR
NAZİRİ RӘŞİD BӘYLӘ 348 SÖHBӘTİNİN
YAZISI

18 noyabr 1918-ci il, saat 13.00
Xarici İşlәr Nazirliyinin binası

Saat 13-dә qәbul otağına daxil oluram. Oradakı mәmur
mәni dәrhal nazirin kabinetinә dәvәt edir.
Mәn. Zati-alilәri, icazә verin, söhbәtә әsas mәsәlәdәn
başlayım: indiki hökumәt kabinetinin, ilk növbәdә isә
rәhbәrlik etdiyiniz nazirliyin Azәrbaycana münasibәti necәdir?
Çünki mövcud hökumәt kabinetinin formalaşdırılması zamanı
hәrbi nazirliyin Şәrq şöbәsi lәğv edilib. Qafqazla, xüsusәn
dә bizim Azәrbaycanla bağlı bütün mәsәlәlәr Xarici İşlәr
Nazirliyinin sәlahiyyәt dairәsinә salınıb. Ona görә dә, tәbii
256 ki, bu nazirliyin rәhbәri kimi, fikrinizi bilmәk maraqlıdır.
Nazir. Әlahәzrәt sәdrәzәm kimi, mәn dә açıq şәkildә
söylәyә bilәrәm ki, sizә münasibәtimiz yenә dә tam sәmimi
olaraq qalır. Vә çox istәrdik ki, yeni Azәrbaycan Respublikası
hәr vasitә ilә inkişaf edib möhkәmlәnsin. Bundan ötrü
ölkәnizin Avropa dövlәtlәri, ilk növbәdә isә, tәbii ki, Antanta
tәmsilçilәri tәrәfindәn tanınması son dәrәcә zәruridir. Әsla
şübhә etmәyә bilәrsiniz ki, bu mәsәlәdә gücümüz çatan hәr
şeyi etmәyi özümüzә borc sayırıq. Ancaq gördüyünüz kimi,
yaranmış şәraitdә bu, çox azdır. Siz özünüz, hökumәtiniz
indi bu sahәdә daha fәal çalışmalısınız.
Mәn. Zati-alilәri, ilk növbәdә mәhz hansı işlәrdәn
başlamağı mәslәhәt bilirsiniz? Bağışlayın ki, sizi narahat
edirәm. Siyasәt vә diplomatiya sahәsindә kifayәt qәdәr
tәcrübәmiz yoxdur. İndiyә qәdәr belә işlәrlә mәşğul olmamışıq.
Çünki çar hökumәti bizi bütün mümkün yollarla belә
mәsәlәlәrdәn aralı tuturdu.